خلونا نتناقش في امور بيوتنا وترتيبها وتنظيمهاااا ،،، أنا عوقي الثياب الصراحة ماعرف متى أتخلص منها ومرات ما تهون علي فمتى تخلصون منها لانه مرات يتكود عندي في الكبت ويستوي زحمة مع أني قريت مرة معلومه انه لازم ما تشرين شي يديد الا اذا تخلصتي من شئ عندج عسب يستوي له مكان وهكذا فيلا كل وحدة تقول طريقتها متى تتخلص منهن وتعطيهن الخدامات ولا المساكين ولا الهلال الأحمر. وغيره ………
واذا عندج ناس تعرفيهم بحاجة الملابس اعطيهم ربي يوفقج
ومشكوره ع الموضوع الحلو
احطهم في كيس واعطيهم للجمعيه الخيريه ،، والخدامه اذا تبى تشل منهم
كناديري وثيابي ،،، يوم افصل اسوي مجموعه يعني ٥ او ٦ اللبس اللي قبله اكون لابستنه
وخلاص شبعانه منه وطالع من خاطري اطلع المخاوير الجدام واحط اليديد مكانهم
البجايم وهالسوالف زباله لاني مااحب حد يستخدمهم بعدي ،،،
اغراض الجمعيه على طول تترتب اللي في الثلاجه واللي في الكبت ،، واخذ ع القد مب شي
اكثر من الحاجه ،، لانه بيتي صغير غرفه وصاله ومطبخ ونحنا ٤ اشخاص
وصرت اتبع شغله يوم اروووح السوق مااشتري شي إلا مقتنعه منه وانا في حاجته فعلا
اي شي ماله لزمه مااشتررييه ،،،
لانه صدق ماشي مكان ،،، والاغراض زحمه ،،،
واذا كانت عندي شغله ماتهون عليي اعقها مثلا مالبستها وايد اخليها عندي فتره واذا مرت فتره طويله وانا بعدني مااستهلكتها خلاص اتخلص منها لاني ادري مابلبسها ،،،
اعطي اختي او حد اعرفه بيستفيد منها لانه حرام شغلات يديده
اصلا انا مب من اللي يشتري ثياب وايد حقي او حق بناتي فما تتيمع عندنا قشار وايد
المكياج والملابس الداخليه ===الى الزباله على طول