الريال اللي ما يظهر من البيت لتربية الطفل

السلام عليكم…

أنا سمعت عن وحده تشتكي أن ريلها بيتوتي..

ما يحب يظهر من البيت ولا له ربع..

( اكيد حد بيقول ياحظها لووووووول )

بس المسألة أوفر..

وفوق هذا..

أنه من النوع اللي ما يسولف..

يعني يقعد بالبيت ويطالع التلفزيون أو النت جذا يعني..وهذا طبع مب عمد

ويصير الجو ملللل

برايكم شو الحل …

بسمالله الرحمان الرحيم

هاي مب مشكله هاي اكبر حق مشاكلها …الله يهنيها ويوفقها…والوحده يوم تكون عندها نعمه ما تم تنق تراه النعمه زواله

اللهم اني بلغت اللهم فشهد

وبعدين هيه تقدر تشغل وقته هذا النوع من الرياييل وايد سهل لكنها ما عرفت كيف تكيفه على كيفها …
هيه والله وشطارتها
اختج في الله

الله ايهديه إلها
بس المثل يقول ( اللي يزيد عند حدّه …. ينقلب ضدّه)
يعني لازم الانسان يكون وسط
الحرمه إلها إحتياجاتها انها تقعد مع نفسها وفي بيتها بروحها
يشتاقون حق بعض على الأقل
إذا مجابلين ع طول الوقت هالشي يبعث بالملل والنقره طول الوقت

فديته ريلي بيتوتي وانا امووووووووت على ها الشي بالعكس …..ما اتحمل البيت لحظه بدونه والا بصييييييييييح خخخخ …………. بس ترا خل هيه ما تخل الجو مللل يعني هوه يلعب بليستيشن خلها مثلي قمت اتحديه باللعب وطاااااخ وطييييييخ ……. واوني يوم يجوف مباراه اشجع الفريق الخصم والله عجب يستوى اكشن حلو لا واللي اكثر من جيه انه لزقني بفريق لا عرفه ولا شي وكل ما يلعب ها الفريق يعزم اخواني عندنا بالبيت اونه فريق عواششه الحين بيلعب خل نتمصخر عليهاااااا وانا اوني مصدقه عمري اشجع امشي مع الدقه لااااااااااا وارتبش بعد

ريلي إذا يلس فالبيت بتطلعله نخله هههههه

هلا نسيم البر..

المشكله ان الريال ساكت وما يحب يتكلم في اي موضوع
وكل المواضيع يعتبرها كلام فاضي..عرفتي كيف
من جيه الواحد يمكن واذا حد رمسه بتكون الردود هيه ولا

جان زين مجابلين بعض …

كل حد في صوب ..

ومافي سبب او زعل ..

مجرد طبع ..

احس الحياه بتكون رتيبه