الرجاء المساعده عن (الروز مالاي) ضروررررري الحين لو سمحتو

السلام عليكم ………….

بغيت اسأل عن سويت (الروز مالاي ) لو حد يعرفه إذا ممكن يعطيني الطريقه

و في ميزان حسناتكم……………شكرا و يزاكم الله خير

السموحة حبوبة ما جد سمعت به .،ــ

للرفع .،ــ

روز مالي
هاي طريقه من كتاب سويت وانا سويتهاا وتضبط معااي
المقادير :
1 كوب حليب بودره
1 ونص ملعقه طعام زيت
1 بيضه
1 ملعقه صغيره غير مملؤه بكنج باودر
1 لتر حليب طازج
6 حبات هيل
5 ملاعق طعام سكر
الطريقه:
يفور الحليب والسكر والهيل حتى يغلي على نار هادئه
نخلط الحليب البودره والزيت والبكنج باودر والبيض ثم يخلط مع بعض جيدا باليد
ثم يكور على شكل كرات صغيره جدا
توضع كرات الروز مالي بداخل الحليب المغلي ويغطي حتى يستوي على نار هادئه جدا جدا لمده ربع ساعه
تترك حتى تبرد وتوضع في ثلاجه

هاي الطريقة الي كاتبتنها الاخت شوق تجنن توني امس مسويتنها واليوم كلناها وايد ضابطة
بس خليها يوم في الثلاجة لان امس لما كلناها كانت كرات الراس ملاي مب متشربة حلاوة الحليب فلما تخليها يوم كامل في الثلاجة تتشرب الحليب وتصير مررررره حلوة

يزاج الله خير على الرد وجاري التطبيق …

ومشكورين للي رفعوا موضوعي ….

………………..عوافي