خواتي حبيباتي
موضوعي هذا مب جديد ولا يختلف كثير عن مواضيع الكثير من الاخوات
معناة مع الزوج من الخيانه والاهمال وغيره وغيره
وحطيت هنا في الفتره الاخيره كم موضوع تحكي عن معاناتي وشو اللي حصل باالظبط
كنت احس اني تايهه وضايعه ومااعرف شو اسوي ولمنونه الجاء
انا احب ريلي وهو يحبني ولاكني كنت كثير افقد للاسلوب والحيله والذكاء
صريحه جدا وانفعاليه وافقد للثقه في نفسي وكنت عاقه عمررري عليييه وااااايد لين ما فعلاا اختنق وكانت كل تصرفاته توحي انه ملاااان مني وكارهني وانا مستغربه وفي حيره من امري
اروح اتحضنه واعتذر له بدون سبب وغيرها من الامور التافهه لين ما ف النهايه قالي خلج عند اهلج
طبعا انا هني مااحط اللوم علي لاكن عدم خبرتي في الحياه وفقدي للحكمه اجتمع مع شخصية زوجي القويه والحازمه فكنت انصدم من قوته وحزمه لاني جداا طيوبه وحساسه وع نياتي
واقول كلام وانا اعني عكسه تماما
بس سبحان الله الحين لما اتكلم عن نفسي استغرب كيف انا كنت كذاا لاكن لما ربي يريد للعبد انه يتغير يسخر له الاسباب والجمدلله ربي خر لي الاسباب
اولها خواتي هنا في المدونة كثير فادوني وتعلمت ومنهم
والفضل الاكبر بعد الله تعالي يرجع للمستشاره غاده الله يحفظها
كنت اتابع دوراتها واللي تنزله هني اول بااول وبعد ردودها على مواضيعي ومواضيع الاخوات وكانت كثير تشدني وتجذبني واحس بفوائد ومعلومات كثيره تنهمر علي كل ماقريت لها
سبحان الله يمكن هي لاحظت شكثر انا مهتمه وفعلا عازمه ع التغيير لاني كنت فعلا ملااااانه من وضعي ونفسي وابا اتغير
في الفتره اللي كنت فيها عند اهلي كانت من اسواء ايام حياتي قسى علي فيها زوجي كثيير وهجرني شهر كامل بدون مااعرف شو البب الرئيسي لاكنها اكيد كانت عدة امور متراكمه
في ها الفتره سبحان الله كنت ادعي ربي يهديني طريق الصواب وينزل علي الهدوء والطمئنينه وينور فكري وطريقي
ي نفس الايام هاذي كنت احتاج لاي حد ياخذ بيدي ويمشي معاي خطوه بخطوه ويفهمني ويعقلني ويهدي ن روعي وخوفي الزايد من فقد زوجي هذا كله واكثر وجدته مع اختي وحبيبتي واستاذتي المسشااره غاده بعر مماعرضت علي انها تساعدني وتمشي ممعاي وكانتت فرحه كبيره مااقدر اوصفها كانها نزلت علي من السماء سبحان الله
هي ع حسب كلامها انها لاحظت فيني الاصرار ع التغيير عشان جي قررت تمشي معاي خطوه خطوه بدون أي مقابل بس تطوع منها انها تساعدني اغلب على ها المحنه في حياتي
وفعلاا الحمد لله بدون أي مباالغه والله
كثييير هدتني خلتي اقوي ايماني بربي واسلم الامر له
خلتني اخفف من كمية القلق والخوف اللي كان عندي وقوة شخصيتي وثقتي بنفسي
كلامها كله سلس ومفهوم ومريح وفعلا خلتني اجد نفسي
وجدتها بعد ماكنت فاقدتها ومسلمتها للغير يتحكمو ويلعبو فيها او زي ماسمتها هي الشخصيه الضحيه
الحمدلله الحين بعد رجوعي لبيت الزوجيه صار لي اكثر من شهر تواصل معاها في بدايتها بعد رجوعي
الحين انا وحده ثااااانيه وكاني زوجه جديده حتى زوجي متفاجئ ومستغرب وفي نفس الوقت سعيد جداا باالتغيير اللي تغيرته والحظ علبه كثير ها الشي حتى لو ما تكلم
حياتي تغيرت كله بما يرضي الله وصرت نا كثير مرتاحه وسعيده فيها لاني صرت اسوي اللي علي واعرف متى اكون متواجده ومتى اسحب نفسي ومتى اعتذر ومتى لا
تعرفت وتعلمت اشياء كثير ماتحضرني الان ومابذكرها عشان مااطول
بس الحمدلله اول شي احمد ربي اللي نور بصيرتي وطريقي وسخر لي الشخص المناسب اللي يساعدني وفي الوقت المناسب
ثانيا نداء لكل اخت وزوجه لاتنسي ان الرسول صلى الله عليه وسلم قال
رحم الله امرء عرف قدر نفسه انتبهي تنزلين من قدرج احترمي نفسج عشان الكل يحترمج وبدون ماتسيئين لاي حد ولاتكونين شخصيه ضحه نفس ماانا كنت انتبهي
ثالثا وهو الاهم انصحكم كلكم لاتترددون ابد باالجوء لاشخاص ومسشتارين لهم خبره وعندهم علم اكثر منا مثل المستشاره غاده او أي حد في نفس المجال
وانا اوجه لها جزيل الشكر والتقدير وخالص الاحترام واسال الله ان ينفع بعلمها اكثر عدد من النساء والرجال وان يصلح حالكم جميعا والعفوو
والله يوفقك ويوفق الجميع أمين
للافضل