خواتي معظمكم تعرفون قصتي ويا اكتئاب بعد الولادة
اخر المستجدات اتعقدت حياتي اكثر
أتمنى ارتاح من هالعيشه بس خايفه الله
خذت علاج نفسي و قطعته من الخوف
حاليا الأرق استوى مضاعف بالايام ما ارقد
عايشه بروحي ويا همي منعزله عن كل شي احبه
بنتي أمي تربيها مب قادره اجابلها ولا اسويلها شي
ريلي ماعرف شيي عنه و يحاول يتواصل ويايه بس اتهرب
حياتي متوقفه و على وشك تنتهي
نصييحه لا تفكرون بالأدوية حسبي الله ع الدكاتره اللي ضيعوني و دمروني. اكثررر
ادعولي بس الله يرحمني من اللي انا فيه
مسكين ريلي ماله ذنب ولا بنتي يارب يسامحوني
فحصتي فيتامين دال ؟
اسمع شوري انا كنت اخس عنج من اسمع همس اقعد ابكي حتى الباب من يتبطل اقعد ابكي وبنتي من تبكي اطالعها وابكي الكل قالي اني صرت مينونه لكن الحمدالله ريلي دكتور وبسرعه سوالي فحوصات وطلعني من بيت اهلي وخذني معاه كانت اول ولاده لكن بالتدريج كل ولادة تكون اخف والحمدالله الحين احسن
حاولي قدر استطاعتج تقنعين نفسج بأنج بخير وبأنج محبه للحياه وبنتج مسكيها وحضنيها لأنها قطعه منج ..
لا تخلين الأفكار السوداويه تاثر عليج وتغير مسار حياتج ..
قولي انا مؤمنة وقوية واقدر اعدي الفترة الي انا فيها واكتبيها بورقه ولصقيها على الطوفة جدام عيونج
اما زوجج لازم هاي الفترة يكون عندج ويساندج وبنتج ما عليها شر دامها مع امج تربيها حاولي تتواصلين مع الدكتور احمد النجار
لكن دام انتي واعيه على مشكلتج الامور صدقيني رح تصير للاحسن
اول شي قرري انج تبين تساعدين نفسج مب علشان اي شخص علشانج انتي
شوفي شو الاشياء ااي كانت تبهجج مثلا سفر طلعات اي شي كنتي تحبين تسوينه وسويه
ايمانج بالقدر وبالله سبحانه لازم تقوينه وتعرفين ان حالتج مؤقته وهي اختبار من الله لج وان طالت او قصرت المدة انتي رح تتخلصين من هالشعور
حفزي نفسج باي شي قوي ثقتج بقوتج وانج ترومين تسويين اي شي
اتمنى من كل قلبي تتجاوزين هالفترة
و الرقية
و حسن الظن بالله بالشفاء
و العبارات الايجابية
و تخيل حياة جميييلة
و الصدقة بنية الشفاء
انصحج تروحين دكتور نيوترشن و تاخذين حبوب عشبة سانت جونز بس اسئليه عن الجرعة …واااايد ناس فادتهم .
و ابدا لا تيلسين روحج حاولي دايما تشغلين نفسج و تكونين يالسة مع اهلج ..لان الشيطان يتمكن من الشخص لما يكون روحه ..