اشحالكن عساكن بخير وسهاله
،
والله الغاليات بحمد لله زوجي يرتب بيت المستقبل
ومحتاره الحين بنوع الغساله المناسبه والمريحة والاسهل
ممكن حد فيكم جرب الغساله الاوتوماتيكة يقول لي اي نوع احسن نوع ؟!
في نوعين الي يكون فتحه دائرية في وسط الغساله وفي نوع تنفتح من فوق اي نوع احسن من تجاربكم
والي عندها صور لاتبخل علي
لاني ابد ماعرف توني بعرس وماعرف لهالسوالف 
و اللي عندي من "ال جي" و ضمانه ١٠ سنين
الله يوفقج … و مبروك مقدما "
وتقدرين تفتحينها وتظيفين اي قطعه وتايد العادي او اريل العادي يصير معاها او اي اومو ثانية من اختيارج مب مثل اللي بابها في الوسط تخترب بسرعة
يعني اذا حاطه في بالج تغسلين لحافات للشبريه فانصحج تاخذين الي بابها فوق
وتسالين عن الكيلو الي تتحمله الغساله
ماشاء الله عندنا غساله الي بابها فوق نغزل فيها برانيص قرابه 8 كيلو ماتتاثر ما شاء الله
وحلوووووة وعمليه وكملنا الحين بها 9 سنين ال جي
وان شاء الله اكون فدتج يالغلا ^_^
انا حطيت الموضوع وترييت ردودكم وبنفس الوقت سويت سيرش عسب اجمع معلومات اكثر واكثر وارتاح اكثر .
وتقريباً شرى رمستكم الاكثرية قالها
الاقباليه على غسالة LG الي بابها من فوق
وبحجم ال 9 كيلو انسب واحسن تتحمل كل انواع الغسيل تقريباً
شرى رمستكم والله
يزاكم الله خير وبركة
من بحثي بفيدككم بالي عرفته
يمدحون ال LG كافضل نوع
وعقب تيي غساله السامسونج
وعقب التوشيبا
والاقباليه ع الي فتحتها من فوق
من خيالها اتوقع الي فتحتها دائرية بالوسط اتوقع انها بتكون تعب
لانه بنوخي عسب نظهر الملابس وجي فتتعب الرويلات ويتعب الظهر
مجرد رأي يعني
حبيت افيد الي يطل ع الموضوع
من الي استفدت منه