اصابع البطاطا حلويات الاماراتي

هذا اول موضوع لي في هذا المدونة العزيز
طبعا من كثر ما احب الطبخ وعالم الطبخ قمت اصور الوصفات إلي اسويها عشان تستفيدون منها مثلي
اولا بنسوي اصابع البطاطا المحشوه بالجبن إن شاء الله ما تكون وصفه مكرر اما بالنسبه للقادير على حسب احتياجاتك انا اسوي كميه للتخزين من الحين بديت اخزن لرمضان ادري بتقولون توه النااس بس ما بقدر بعدين لاني حامل ويوم ورى يوم اتعب اكثر إدعولي الله يرزقني الذرية الصالحه

المقادير :

بطاطا مقشره ومقطعه 4 حسب الكميه إلي تبيينها
ملعقه كبيره كزبره مفرومه
مكعب ماجي
رشه كركم وفلفل اسود وملح
بيض + بقسماط

نفور البطاطا مع مكعب ماجي وعقب نهرس البطاطا مع اضافة الكزبرة والكركم وملح والفلفل الاسود نشكل الأصابع بس لا تنسون لا تحاولون تشكلون والبطاطا دافية لانها صعب تتشكل يعني خليها تبرد فالثلاجه عقب ابدئي شكلي الاصابع وحطي فالوسط قطعه جبنه وعقب غمسيها فالبيض وثم فالبقسماط وخليها ترتاح قبل القلي وممكن تحفظينها فالصحون من غير رص وتحطينه فالفريزر بس نسيت اصوره بعد القلي المهم إن شاء الله تعجبكم