.gif "12 (10)")
حبيت انزل هالموضوع للافاده واخذ الحيطه وطبعا يفيد الامهات سواء اطفالها توهم مولودين او كبار
راح اذكر مواقف صارت لي وان شاء الله تتفادينها وابغي مشاركاتكم ونقاشاتكم في الموضوع
وراح ابدأ من اول ايام الطفل …
كان عندنا موعد بس ما اذكر شو اظن يكشفون على اليايهل او تطعيم ما اذكر بالضبط
وسرت المستشفى على اساس بس المستشفى وراجعه..والغلط اني ما اخذت تبديل للبنت
وكانت هذي اول بنت لي فوقعت في الغلط
وهذا اول موقف
لما كشف الدكتور عليها فتح البامبرز وسوتها .gif "12 (61)")
يايويلي ما عندي تبديل .gif "12 (49)")
صح هم يعطوني حفاظه من اردى نوع بس مايوفرون شي
كنت محتاجه فوطه وحفاظه وقطن او مناديل ..عطوني كلينكس خشن
وشليتها وغسلتها بالماي بارد غمضتني .gif "12 (8)")
وكله بسببي اني ما اخذت احطياتاتي
هذا اول موقف واتريا مواقفكم وبعدين بقول لكم مواقف ثانيه اذا شفت تفاعلكم
اانا بعد توني صايره ام من قريب فاظن عندي غلطات بالهبل
انا رضعت بنتي..نسيت اجشعها..لا رقديتها علي ظهرها..فشفتها هي تزوع..انا من كثرت خرعتيه بدال ماحطيتها علي الجنب..شليتها ماحطيت ايدي تحت راسها .جا راسها علي وراء..دخل زواع في خشمها..البنت ماقدرت تتنفس.زرقت .ماعرفت اسوي شيء غير اصيح و انادي امي.. حمدالله لولا ربي ستر..
فعشان جيء وحده لازم تنتبه..
انا امسات مخليه بنوتي على السرير و رحت اسوي لها حليب ، هي تحبي ف خليتها مع اني اشوفها عاد هي يلست على طرف السرير و طاحت ( طااااااااااااااااااااخ ) على راسها و الأرضيه سيراميك >_< و الله اني صحت معاها خخخخخخخ .. حبيبتي و الله
نصيحه لا تخلون عيالكم ع السرير بروحهم ..
عاد انا شوفوا شو غلطتي ولدي عمره شهر ونص وديته المستشفى عسب يفحصون عليه
تخيلو كنت مرضعتنه قبل ما نوصل المستشفى ولما بدوا يفحصون الوزن والضغط قام يصيييييييييح
اونه يوعان تخيلو جان ارفع عباتي وقلت للمرضه اظهري برع برضع الولد رضعته مال ربع ساعه وعقب دشت الممرضه تكمل اجراءات الفحص ولما
دشينا عند الدكتور رد صرخ لانه يوعان والله ما سكت الين ما خلص الدكتور من الفحص
وعقب لما وصلنا السياره رضعته في السياره
غلطتي اني ما شليت معاي مرضعه وحليب وماي حار
على الاقل لو شفطتله حليب جان زين بس والله تعلمت من هاللغلطله وتووووووبه اواوديه بدون ما آخذ أي حليب احتياط
فديييييت عيالنا والله يحفظهم ويرزق كل محرومه يارب
المشاركة الأصلية كتبت بواسطة اسعد تعيسه 
اانا بعد توني صايره ام من قريب فاظن عندي غلطات بالهبل
انا رضعت بنتي..نسيت اجشعها..لا رقديتها علي ظهرها..فشفتها هي تزوع..انا من كثرت خرعتيه بدال ماحطيتها علي الجنب..شليتها ماحطيت ايدي تحت راسها .جا راسها علي وراء..دخل زواع في خشمها..البنت ماقدرت تتنفس.زرقت .ماعرفت اسوي شيء غير اصيح و انادي امي.. حمدالله لولا ربي ستر..
فعشان جيء وحده لازم تنتبه..
مشكورة اختي فعلا الطريقة غلط اللي سويتيها والحمدالله انج قريبه من امج