اختيارات البلاط او الارضيات

اهلين وسهلين بالذويقين
اكيد وايدين منكم بنو ودشو في معمعة البنا وانا اليوم محتاجة لخواتي الحلوات بطلب صغيروني
من بعد خبرتكم في البنا ممكن اتقولولي شو كانت اختياراتكم وشو احسن الاختيارات بالنسبة للارضيات مثلا احسن محل في نوعية سيراميك الحمامات والمطابخ وبكم الفوت مثلا ارضية الصالة شو الاحسن رخام سيراميك جيرانيت ومن اي محل وبكم الفوت بالمختصر ابغي اسامي محلات اوكي وبسعر زين وعلى كم الفوت لكل ارضيات الفلا اهم شي النوعية الزينة والسعر يكون زين

خيبة ولا رد أأأأأأأأأأأي ويهي عورني

والله شراتج ماعندي خبره بشئ من هالسوالف بس ان شاء الله البنات بيفيدونج…

الغالية ردت عليج بالميلس لكن ما يمنع ارد عليج مرة ثانية

شخصية هامة..

الأرضيات متفاوت سعرها يعني على حسب الشكل في منها المتر على 100 في 60 وفي 55 يعني مختلف اسعارها انتي وذوقج في منه نخب أول وهذا غالي شوي وفي منه نخب ثاني أي درجة ثانية لكن في بعض العيوب هذا بالنسبة للجرانيت راس الخيمة ..

أما بالنسبة للجرانيت الصيني هم مختلف أنواعه مع اختلاف في الاسعار ..

إن شاء الله أكون افدتج ..

ثانكس دلوعة اهلي
وابغي تجاوب من الي بانين بتفصيل اكثر