احس أني عالهامش فحياة ريلي المومة و الطفل

هلا خواتي حبيت إشكي واسمع رأيكم في مثل هالشي وهل هالشي عادي أنا معرسه ومأكملت سنه مع ريلي مشكلته مستوي ذريول وماسح دور الذريول فألبيت هو يؤدي وأييب خواته لدرجه أن يتصلون به يتآمرون عليه قم ودنا وقم ردنا وهو عادي مإحس مبين لهم أن معرس فالبدايه فكرت منهم مأفي حيا لكن هو اللي سمح لهم يتمادون لدرجه كم مره راقده يتصلون به من صباح الله بسير الكليه واللي بتسير مادري وين تعبت حتى فطلعاتنا مرات يحرج علي يباهم يكونون معاي خاصه يوم اتشرئ حاجأتي وأفصل يوم نوصل للمكان الفلاني كله يقول لي شو رأيج باجر بنسير وبنييب خواتي مره وحده قلت له مابا أربط طلعاتي فخواتك كل مره أصلا احش عيب وهو عادي عنده والله مول ماتهنى معاه حتى مرات أنا ايلس فألبيت وهن يسيءن معاه المؤل يتشرن مأخذ دور الأبو فألبيت والأب موجود حتى أبوه يقول سيروا مع الذريول لكن ريلي مخه عنيد مال أول كيف أبين له أنه اللي يسويه غلط وائد عاطنهم مجال بشكل يومي يصير هددته فبيت هلي ماشي فايده قلت له مإحس بوجودي وقيمتي وزغلت كم مره ماشي فايده الزعل لأن غلط اللي يسويه وكم مره قلت له شو عيل الذريول يأخذ معاش للفاظي قال عادي هالشي مايتغير فيني وروحات المؤلات وأمور خواته هو يبا يخلصها حتى وهو عالشبريه يدقون له تعودا ينش مايسوى عليه من 7 الصبح يسير هذا وذريول موجود خله هله يعتمدون عليه معنه هالشي مول مب حلوه وعيب ماقالوا والله أخونا بنحشمه ومعرس لكن الغلط منه هو مب قادره أوقف هالشي صار كله لاهي عني ماشوفه وهو يفكرني راظيه وان رمست فكر أن إغار منهن وبالعكس مب غيره كيف أوقف هالشي طالت وأمصخت كل يوم والله في حد جي خوات ريلها مدخلنهم فحياتها وهو يصرف عليهم

الي ما فيه خير لهله ما فيه خير للحرمه

واذا صرف على خواته وطلعهن بالمعقول ما فيها شي احسن من طلعتهن ويا ريال غريب

لكن بحدود مثل ما لهن حق فيه انتي بعد لج حق والمفروض يعدل بينكم

حاولي تفهمينه هالشي

لا تكونين ضد خواته لكن خذي حقوقج وخلي لخواته مجال

حاولي ترابعيهن وتكسبيهن واطلعي معاهن ومع الايام بتخبرينهن انج تبين تطلعين وياه بروحكم وايام لج وايام لهن

ما احب الحرمه الي تبا ريلها لها وبس وتنكر حق هله فيه ومثل ما قلت لج كل شي بالاعتدال

الله يهديه
ويصلح حالكم و
يريح فليبج عزيزتي

الغاليه انا مول ما ادخل بينه وبين اهله … فإذا جالي بيروح يودي عمتي او خواته ما اجول شي …
مدامه ما يجصر فيني او في طلعاتي وياه …
الغاليه لا تكبيرين السالفه واذا تريدين ترمسينه لا تحسسينه انج ما يعيبج … بس كوني وياهم بس مش دايماً يعني مره طلعي وياهم ومره روحي مع ريلج بروحكم …
لانه الريال شكله ما عندهم الا هو …. فمره جوليله انج في خاطرج تروحين تطلعين وياه حتى لو تحجزولكم في مكان يومين يعني مره تطلعين تستانين وياه ومره روحي وياهم … وجذي
الغاليه كل ولا أهله ما يرضى عليهم …. فخليج وياهم مش ضدهم ..

اختي مافيها شي يودي خواته ويرافقهن الابو الحين كبر وين يروم يشوفهن وحليله ومب حلوه البنات يسيرون ويا الدريول

وعادي لو سرتي السوق ولا الخياط خذيهن وياج تفصلن مع بعض وتاخذنن راي بعض

تستون خوات وصديقات وتزيد المحبه بينكن

بس مرات يوم تبين تختلين بزوجج خبريهم انج تبين تظهرين وياه بروحج اكيد بيتفهمن ان شاءالله

ولا قولي لريلج يخصص لج يوم بالاسبوع عشان تظهرون بروحكم وباقي الايام طلعه اهليه

الله يوفقج