ابي طريقت ستيك ابي شي مجرب انتو مسووووينه من نفسكم
شو احسن انواع لحم استيك >< وشو احلى لحم ولا ديااااااي
اتريااااااااااااااكم
الستيك المتعارف عليه دوليا بيكون من لحم العجل بس طبعا احنا العرب نسوي كل شي على كيفنا و قمنا نسويه من لحم الظاني^^ و هو ما يسمى بالبيكاتا
عندج نوعين ستيك اختي :
الاول : prin of rips و هذا بنييبه من ظهر العجل ابتداءا من نصف ظهر(الفقرات القطنية ) العجل باتجاه الاعلى يعني عند اول الرقبة و هذا اختي افضل طريقة لتحضيره سهلة تحمرينه بالفرن بدون اي توابل عقب ما يستوي تكوني محضرة صلصة اعشاب او ممكن تكتفين برش الفلفل السود و الملح طبعا اختي ما ممكن تتصورين لذته و على كل حال هذا طبق فخم جدا و لا يقدم الا بمطاعم الخمس نجوم ^^و بتحصلينه احيااانا بالكارفور و داااايما بسبينس ^^
الثاني : Tbon steak و هذا يؤخذ من نصف الظهر امتدادا الى اسفل الظهر
واحسن طريقة لتحضيره تشوينه بالشواية و طبعا دااااايما انا بنصح انو ما ينحط اي نوع توابل الا عند التقديم ترفقين بعد الصلصات المتعارف عليه مثل صلصة الطماطم او صلصة الباربكيو او او كلن حسب ذوقه
الثالث : sirilion steak او ما يسمى بال faux fillet و هو طبق فرنسي جدا مشهور و لذيذ و احسن طريقة لتحضيره انج تشوينه نصف شواء يعني لازم يتم بدمه خخخخ ادري انج ممكن ما تتقبلينه بس عاد شو نسوي هو جي ^__^
طبعا ال 3 اطباق لازم يكون بجنبهم خضار سوتيه او مبخرة و البطاطا المقلية او المحمرة بالفرن ( البيج بوطيطوس )
و انشالله اكون افدتج ^^
شوفي يا قلبي الستيك فيه منه ستيك الدجاج وستيك اللحم والإثنين معروفين عالميا …
لكن اللحم أكثر إنتشارا لأنه في منه انواع وايد … حسب المكان اللي قطعة اللحم يت منه في العجل … اما الدجاج ففي الغالب إما انه ينحط مع صلصة وشوية زيت و ينشوي او ينحط مع البقسماط وفي هذه الحالة يتسمى فيليه …
مثلا من انواع الستيك اللحم الريب ويجي منه نوعين الاول الريب والثاني الريب آي … الريب تقدرين تعرفينه من انه قطعة لحم وفي داخلها عظمة مدورة …
و عندج التندرليون والتي بون والبورترهاوس … آخر إثنين تقريبا مثل بعض تتميز اللحمة إنها فيها عظمة مثل حرف ال T …
وعندج نيويورك ستيك والسيرللوين … وعندج الرواند والتشاك …
بالنسبة للتي بون والتندرليون والريب تقدرين تحصلينهم في كارفور … وإختاري حسب نوعية اللحم "أفضل إسترالي" … والوزن …
و طالما إنتي سايره كارفور مري صوب البهارات فيه هناك فلفل اسود خاص بالستيك لذيذ …
و في صلصة الستيك إذا حابة تشتريها و كاتشاب خاص بالستيك HP.
جربت اكثر من طريقة ولقيت افضلهم اسهلهم وهذه هي :
ييبي مقلاة وخليها تحر " ما استخدم الزبد" ما لها داعي لأن اللحم يكون مليان دهن … عقب ما تحر عدل حطي القطعة وإتركيها شوي … بتلاقين على اطرافها من تحت بدا لونها يتغير … إجلبيها وخلي النار عالية لا توطينها … بتلاقين الجنب الثاني إستوى …
ساعتها جلبيها وحطيها على نار هادية وخليها تستوي على راحتها وجلبيها لما تحتاج مب كل شوي بتخرب عندج …
قبل ما تكمل إستوائها بشوي حطي عليها الملح والفلفل الأسود … خليها شوي وطلعيها حطيها على جنب …
نفس المقلاة بتلاقين فيها شوية بواقي شواء الستيك لا ترمينها … وإذا ما كان فيه وكانت ناشفة حطي عليها شوية ماي وحطي معاها مشروم مقطع … خلي المشروم يستوي وعقب ضيفي ملعقة نشا … خليها شوي لما تثقل عندج الصلصة … وقدميها مع الستيك وحطي معاها الكاتشاب الخاص بالستيك على جنب …
واحلى طبق جانبي مع الستيك هي الماش بوتاتو … " البطاطس المهروسة" يمي يمي …
وطبعا الخضروات السوتيه … وبالهناء والعافية
طبعا ستيك لحم او ستيك دجاج … شوفي إنت شو اللي نفسج فيه وساعتها اكيد بيكون الذ
…
المشاركة الأصلية كتبت بواسطة Jimmy Choo 
مساكم الله بالخير
حبيت انزل صور تطبيقي لطبق الاخت نهوود في موضوعها هني
https://forum.uaewomen.net/showthread.php?t=417052
الصراحه انا مب شاطره في الستيكات والحركات هذي بس قلت اجرب حظي 
النتيجة حلوة بس انا فاشله في التقديم و التزيين
نقول بسم الله ….
★ مشروم – يفضل من البري الكبار لانه يستوي بسرعه و طعمة يكون روعة
★ كريمة طبخ اختياري
★ ستيك .. و نوعيته حسب رغبتكم … و تقدرون تستبدلونه بدياي
★ قشطه
★ صويا صوص
★ اداة هرس البطاطااا حق الماشد بوتيتو
★ ثوم اختياري
★ بصل
★ ملح و بهارات حسب رغبتكم
★ جبنة شيدر حسب الرغبة
★ معكبين ماجي
نفور البطاط لمدة ( نص ساعه – ساعه الا ربع ) حسب الحرارة وعقب نصفيها
نظيف عليها شوية كريمة علشان يكون سهل انه نهرسها
في نفس الوقت نحط معكب ماجي مذوب في فنجان ماي حار
و عقب القشطة و نحرك ،،،،،،
نظيف شوية جبن شيدر للطعم
تعبت …