السمنه خذت فتره ممكن اقول عنها جداً قصيره لين ما وصلت لها أمم تقريبا سنتين و نص…
بس فترة زيادة الوزن خذت مني فتره أطول و انا عايشه في عالمها … أوه كنت أشوف أني رشيقه لأني كنت أخذ بالمقوله الي تقول " البنت المليانه احلى"…
ألفتره كانت أمممم لو قلت اكثر عن 10 سنوات؟؟ أبدا ما راح اكون مبالغه لانه لو ما كان 10 يمكن من يوم ما انولدة … ولا صح انا يوم كنت بيبي كنت فعلا تختوخه …
كنت دائماً في عالم ال تحت ال 60 لييين صار عمري أمم 15؟ او يمكن اقل و انا وزني بين ال 60-66
كنت أشوف جسمي حلو لو أني قصيره طولي 154.5 بس كان حلو لانه وزني كان متركز في اماكن تزيد من أنوثة المراه و لو كنت ابي اضعف كنت احتاج تقريبا 5 كيلو ….
اذكر مره وصل وزني أمم 70 و قعدت ابكيييي انه ليش وصلت لهالمرحله من الإهمال لجسمي و بدئت برجيم و رياضه لين وصلت لل 58 بس يقولكم الي يجي بسرعه يروح بسرعه … رجعت لل66 و تميت ثابته عليه تقريبا 4 سنوات و بعد اربع سنوات رجعت دخلت عالم السبعين و وصلت لل 79 و الحمدالله قدرت انزل منه و وزني الحالي 74.9نزلت 5 كيلو من خلال رجيم مع دكتور و المشي
حاليا صارلي فتره قصيره موقفه عن الدكتور و حابه ارجعله من ارجع ابوظبي
بس للمشكله عندي انه عزيمتي قليله و محتاجه من يشجعني و يحمسني
الحين بس ابي ال 65 و بعدها بطمح لل 60 و بعدها لل 55 و ان حسيت احتاج اكثر بطمح لل 50
فتحت صفحتي لأني اعرف أني بحصل عضوات و خوات و اخصائيات و مشجعات لي
ابي منكم أتابعوني و أبيكم تحمسوني لاوصل لهدفي الاول 65
بشاركم بيومياتي و بحاول قد ما اقدر أني اخليها مصوره
و ابي اطلب منكم طلب ابي لو خربت تعاقبوني و تعاتبوني
و ان شاء الله بكون عند حسن ضنكم
الاسم: cupcake
الطول:154.4
الوزن:74.9
الهدف الاول :65
يوم الميزان الخميس17/1
اول 10 ردود محجوزه ليومياتي
لا تقصرون معايه بلييز c:
كتب في يوم الثلاثاء 8/1/2016
اليوم صابني كسل و ما قدرت اروح الجامعة فنشيت من النوم متأخر
و كنت صايمه عالفطور كلت سندويج من سب وي صمون اسمر ويا دجاج مشوي و خس و شوي صوص
خذت الصمون الصغير يعني نص ما خذت العود و كابري سن برتقال و ما كملته
و وجبة العشى شربت عصير ليمون بالنعناع
و لين الحين ما شربت ماي وايد بس ان شاء الله بكمل 8 أكواب ماي اليوم
عن الرياضة ان شاء الله من السبوع الياي ببدا
+. عالساعه 12 حسيت بيوع شربت دبتين ماي ما فادني
قمت خذتلي مله صغيره كورن فليكس فيتنس بس بدون حليب لأني ما احبه معاه
