_ _++التجمع السابـــع لـ(مامـز) أكتوبر(10) ونوفمبر(11) وديسمبر(12)++_ _ للسياحة

مساء صباح الخيــــر لجميع الأمهات
مرحبابكم في التجمع السابع
وان شاء الله يكون تجمع خير وبركه
واتمنى يكون تجمع لم الشمل يعني الأمهات اللي ما كانن يدشن
يبدأن يدخلن من اليووم

نبدأ لستتنا

LoOveNisTa
3/10/2017 (أحمد)

حبيبة ريلي
5/10/2017 (حمدان)

بنت_دبي1
5/10/2017 (حمدان)

فراشة البنفسج
10/10/2017 (عفرا ومحمد)

مرت سعيد
12/10/2017 (منصور)

زوجة الياسي
16/10/2017 (مثايل)

bint_alnoor
18/10/2017 (سعود)

Om 7aMda
25/10/2017 (الريم)

حرم المهـــيري
2/11/2017 ( بطي)

sedigheh
12/11/2017 (سهيل)

شيطونة راك
13/11/2017 (شيخة)

أم فياض
14112017 (فاطمة)

كراميل
15112017 (ابراهيم)

دلوعة_راك
16/11/2017 (مريم)

ام ريومي
19/11/2017 (فلاح)

حور العين
20/11/2017 (ظبية)

حرم عبيد
25112017 (سالم)

دهن_العود
27/11/2017 (عنود)

الدلـــع
28/11/2017 (راشد)

الحلوة19
10/12/2017 (حمد)

القلب الطيب
11/12/2017 (دانة)

دلال
12/12/2017 (عبدالعزيز)

keep_rak
13/12/2017 (ابراهيم)

Bentooh
14122017 (يوسف)

الحياة*أمل
18/12/2017 (حمدان)

دهن عود ملكي
20242017 (أحمد)

بنت الهاشمي
26/12/2017 (علي)

amssa
31/12/2017 (علي)

التجمع طبعا ما يقتصر على هالأمهات وبس لكن ها اللي أعرفه
والشكر للوفينيستا لأنها هي اللي بدت بالفكرة

الحلووه 19هلا والله تمت اضافتج على ايميلي واتريااج عسب نقرقر خخخ.
شخبار حمد شو تطوراته؟

أم ريومي..اخجلتم تواضعنا جان استحي

قمآري أهلين وسهلين نحن تمام ،وانتي شحال البيبي مالج؟ طرشيلنا ايميلج خلينا نتواصل ونشوف البيبي ..

لوفينيستا شخبارج حبوبه ،،حتى أنا تولهت عليكم
حمادي شخباره ؟ شو تطوراته
الله على الفصحى!!

Bentooh مادري يا اختيه ليش ما نتشاوف على المسن حتى أنا ابا أشوف يسافي..
متى وقتج انتي؟

دهون عود ملكي مساء الأنوار،، شخبار البيبي،، وينج ما نشوفج على المسن؟

Bentooh أنا بعد ولدي يوم اسير بيت اهلي يرقد على سداحيه بس كبيره واخليه حذالي وما ينش وايد،، أما في بيتي كل ساعه ونص أو ساعتين ينش متلعوزه
وعن القماط أنا أقمطه فالليل بس وفي النهار لا عسب يتعود وعقب ببطله عنه فالليل
بس اليوم يوم كنت راده من السوق صاح صياح عسب يرقد سرت وقمطته سكت ورقد،،جان انحبط أقول أنا من كمن يوم وأحاول وياه بدون قماط أخر شي ما رقده غير القماط
واذا طنشت صياحه وخليته يرقد من غير قماط يتم بس نص ساعه وعقب يقوم
الله يعننا.

زوجة الياسي شخبارج وش وعلومج؟
وشخبار مثايل وشو تطوراتها فديتها..

أم ريومي صبحج الله بالنور ،،مع انه فالليل عندي بس قلت لازم ارد عليج

الحلووه 19

ما عليج ما يشوف شر اتيهم هالحاله مرة في الشهر ،، يتعبج ليين يرقد،، لا تتغصصين.

بنت الهاشمي هلا والله،، من طول الغيبات ياب الغنايم،، (وين الغنايم؟ خخخخخ)
ما يشوف شر علاوي وعن الحليب كله كلي الاكلات اللي تسوي حليب واشربي عصاير ان شاء الله ما بيخف.

زوجة الياسي أحيد يكتبون على علبة الحليب كم رضعة لازم يرضع الياهل

مرت سعيد اتوقع الحين تقدرين تعطينه اكل مب مخلوط في الخلاط لانه ماشاء الله صار عمره 7 شهور، بس اهرسيه بيدج يوم بتعطينه لانه بعده شوي.

لوفينيستا أنا بعد ماخذه حق باهيمي جلابيه بس وحده كنت أجربها وبسم الله عليه صاير كيوووت يوم بدشين المسن براويج شكله
من وين خذتي التنانير من ماكس،، عندهم تنانير حلوه وعمليه..

القلب الطيب وعليكم السلام،، هاي مشكلة فرق التوقيت تخلينا موووول ما نتواصل عدل،، شخبارها دندونه وشو الجلبات ان شاء الله سليمه
ما تحسين كله تبى تيود اييدج يوم ترضعينها والا عادي..

زوجة الياسي شكلها حلوة الأكله اللي وصفتيها حق بنتووه شو اسمها؟
بسم الله على بنتج ربي حفظها الحمدلله ،لا تعطينها شي سبايسي مره ثانيه ،حتى الشيبس غلط لانه اطرافه يمكن تكون حاده على بلاعيمها، تستاهلين سلامتها.

الحلووه 19 أنا وين يا بوج افتر في السوق وفديت ريلي خسرته على قولة لوفينيستا (خسرنا باباتنا ) لوفوه حطيتها بين قوسين عسب ما تقولين سرقتها خخخخ والفرق بينا وبين أم دندون 6 ساعات .
ما دري والله منو أكثر العضوات تواجد كيف نعرف؟؟ وحل اللغز هو الحنا بس سبقتني دهن عود ملكي

دلوعة راك لا انا كنت اقصد وين كنتي اطعمينها في راك.

Menoo مرحبابج في تجمعنا المتواضع

حرم عبيد هلا وغلا من طول الغيبات ياب الغنايم (وينهم؟) نتريا غنيمتين وحده منج والثانيه من عند بنت الهاشمي

حبيبة ريلج هايياات وين؟ من طول الغيبات..(يالله مامز استانسوا هاي غنيمه ثالثه خخخخ).

بس طلعت عيوني وتكسرت ايدي من كثر ما كتبت اسمحولي اذا شفتوا تنقيعات

عساه تجمع خير وبركه وفايده .

والله يسلمكن فدييتكن

والحمدلله ميمي احسن فديتهاا

وزوجة الياسي تستاهل ميمي كل خير فديتها

انت خبريني عن تطورات باهيمي ؟

وعن الوصفه انا نافلتنها من الايميل بجيكلج عقب عن اسمها

والحمدلله ربي سلم ميمي وربي يحفظ كل بيبياتنا

اذا تبونهن بكتبهن لكن ؟