اتصلت فيني طليقت أخوي تترجاني أكلم اخوي يرجعها
اخوي مطلقنها من 10 سنوات وعندهم بنت عمرها 8 سنوات
هي اللي طلبت الطلاق واصرت عليه وعرست بعدها بسنة وانتقلت الحضانة عند اخوي
طبعا اخوي الله رزقه بزوجة من خيرة الحريم وربت بنته وعمرها 3 سنوات ما شاء الله عليها من المتفوقات والكل يشهد على تربيتها لها حتى أهل طليقت أخوي يعرفوا انها ما مقصره معاها
تزوجت بعد ما طلقها اخوي بسنة ويابت منه بنت وبعدها طلقها
وتمت فترة وتزوجت وافد ويابت منه ولد وانسجن وسفره بلاده بعدها تطلقت ورجعت تعيش بيت أبوها مع عيالها البنت والولد
الحين اخوي متزوج وسعيد بحياته مع عياله
وهي متبهدله محد يصرف على عيالها واخوانها ملتهين بحياته
ﻻ شهادة وﻻ وظيفة
الحين شو الحل أخبره اخوي ﻻنها حلفتني أخبره وراضية بأي شرط يشرطه عليها
اللي هامني حرمة أخوي شو بيكون موقفها مني
وانا متأكدة انه اخوي بيرفض يرجعها
للعلم على اللي سوته في اخوي علاقتها معاها زينه ومع اهلها
وايد كلمتها ونصحنها بس ما شي فايدة لين ضيعت حياتها للعلم بنت اخوي متعلقة بحرمة ابوها وتحبها ﻻنه بالشهر كانت تشوفها واخوه يوصلها لها عشان تشوفها والحين حنت لبنتها بعد ما تطلقت
لو كنت مكانج ما رمست وهي اذا تبي ترمس شي راجع لها لو حلفت تكفر عن اليمين
اما عن انه ما عندها شهادة ووظيفة تقدر تقدم على الشؤون بيعطونها + نفقة اليهال اللي معاها
اذا ردت تتصل وترمس احسن شي تربي عيالها محد بينفعها غيرهم بعد رب العالمين
اما عن حرمة اخوج انتي ادرى بها واضن ربت عيالها واعتبرت بنت زوجها وحده من بناتها
نصيحة لوجه الله ما يخصج فيها ،،،
شكلها بعد ما دمرت حياتها تبغي تدمر حياة اخوج
قولي لها عندج شي كلمي اخوي روحج ،،،
أنا ما يخصني ،،، بعد ما شبعت تبغي ترد لأخوج
و الله ثم و الله لو كانت حرمة اخوي جان ما رضيت
ما تدرين شو هدفها ،،، لو هدفها صدق انها تبغي تكون
جريبة من بنتها جان ما تطلقت خير شر
طليقة اخوي ( اخوي بالرضاعة )
يوم قالت لي برجع لأخوج بعد ما تزوجت من
ثلاث رياييل و تطلقت منهم ،،،، قلت لها
آسفة اخوي سعيد بحياته و لا يمكن افكر بهدم سعادته
علشانج و علشان نزواتج
مالها حق تي ترجع الحين بعد ماطلبت الطلاق بنفسها الله يهديها
في كل الاحوال تبا شي خليها ترمس بنفسها وانتي لا تدخلين ابدا عشان حرمه اخوج ماتزعل منج بعد
الموقف صعب
الأولى ام لبنت اخوج و سبحان الله يمكن ندمت ، ما في انسان ما يغلط
و الثانية بعد ام لعيال اخوج ، فالموقف صعب لانهن الثنتين امهات لعياله …
اذا هي حابة ترجع خلها هي تفاتحه بالموضوع و انها حابة ترجع عشان مصلحة بنتهم و عاد حزتها كيفه اخوج و له حرية الاختيار
انصحيها ترجع لربها وتكثر من قيام الليل والدعاء والاستغفار واكيد ربي ارحم فيها حتى من نفسها الله يصلح حالها كسسرت خاطري والله