لين متى للسعادة الزوجية

هلا بنات

احس أني للحظة ضعف ويأس مليت. والله احس هالاسطوانه كل مره تنعاد بس هذا همي وايد خائفه من الي جدام وخصوصا أني مطلقه و25 -6 بكمل سنه وانطردت من الجامعه هاك الكورس

احس كل حد جدام الا انا ورا وكل ما ييت افتح باب يتصكر بويهي

أقرى قران اصلي استغفر والحمد الله متفائله بس كل ما اتفائل أنصدم

واليوم طفح الكيل أقرى سوالف عسبت أجوف مصائب غيري احمد ربي

بس بعد الواحد مصيبته تعوره لين متى يعني. حتى ما اقدر افكر حالي حال اي بنت أتزوج افرح وخايفه لو أتزوج مره ثانيه خائفه من كل شي

والله كل يوم فليل أصيح على حالي أجوف البنات يطرقون بي سي حق ريلي المستقبلي. ويضحكون. اما انا ما اقدررررر احس أني كبرانه مليون سنه

تعبت والله وشيطان نجح ووسوسلي

الحمدالله على كل حال

فديتج ميني بييج زين الشباب باذن الله

حبوبة يبالج دعم ايجابي شو رايج تدخلين منتدى حلو تبرمجين على الأفكار ايجابية طنشي سلبية لأنه كل كلامج سلبي
شو رايج

للرفع

حاولت أقرا بين كلماتج الإجابيه ما لقيت .. كل كلامج سلبي .. وين التفاؤل والايجابيه .. وين الثقه بالله سبحانه انه الياي أحلى وأحسن .. فوضي أمرج لله هاي أول خطوات التفاؤل .. وادعي ربج كل ما مر موضوع يزعجج أو حسيتي بضيق ادعي ربج افرشي سيادتج وصلي ركعتين وادعي وأهم شي تدعين وانتي موقنه بالاجابه … ولا تستعيلين الرد من الله والاستجابه لأن هذا منهي عنه وإذا كنتي مستعيله ربي ما بيستجيب دعاج .. ادعي وانتي موقنه ان ربي بيستجيب لج فالوقت المناسب .. الغاليه الحياه تمضي وما شي فايده من الحزن اللي انتي فيه ولا التشاؤم .. خبريني الغاليه شو الفايده من التشاؤل هل بيغير شي من وضعج ..؟؟ أكيد الاجابه لا مافي شي بيتغير .. اللي بيغير حياتج هو تقربج من الله أكثر وأكثر .. صلي وادعي وتصدقي واستغفري ولج مني حياتج كلها راح تتغير .. اسمحيلي طولت فالكتابه بس حبيت أوضح لج ان أهم شي فالانسان نفسيته وعلاقته في ربه بعدهم كل شي في حياته بيتغير

هيه أبا شو اسمه ?..

فديتج روح

أنيقة الذوق ان شاءالله