عندي مشكله صغيرونه ياريت الاقي عندكم حل .. طال عمركم انا ساكنه وي قوم عمي فبيتهم يعني فملحق ومن تزوجت ماكان عندي شغاله بس احين بحكم اني ماشالله حامل واشتغل قلت لازم اييب شغاله ع الاقل تهتم بالبيبي فغيابي …
انزين وين لمشكله !!!!!!
المشكله ان عمتي فيها عقدة من الشغالات ماتحبهم يعني الغلط بمليووووون … وانا شغالتهم ماكانت تساعدني سواء بالترتيب ولا بالغسيل كل شي بروووحي
لكن بعدين ماتحملت قمت اطرش ثيابي عند المصبغه وشغل الملحق على الله العوض قمت بروحي انظف لان عمتي اصلا ماتبي شغالتها تشتغل عندي بعد
…
المهم احين ناويين نطلع شغاله وعمتي نفس الشي … وحميتي شغالتها سافرت وعاااااااااااااااد اسمعوا اقتراح عمتي 
قالت خلي شغالتكم تسير عند بنتي الين تولدين شووووووووووووووووووووو هالظلم 
انا سكتت وماعلقت … انا ابى الشغاله تتعود علي اباها تنظف ملحقي وتغسل ثيابي … يعني ياناس انا محتاجه شغاله مب يايبتنها بطره والله ظلم يكفي سنين وانا صابره واشتغل بروحي بدون شغاله سنتين وانا بروحي اشتغل 
يعني الله يهداها ماتحس فيني والحامل بروحها حركتها صعبه … المهم عمتي تطري السالفه جدامي مرتين وانا ساكته اخاف يوم اييبها تشلها عني وتوديها بيت بنتها … شسوي شقووووووووووووووووووووووووووووووول استحي اقول حق عمتي لا مهما كان مب من تربيتي اكسر كلامها . لكن اللي عندها حل تساعدني او فكره وجزيتم خيرا مقدما 
ان لولا حملج جان مايابها
وان هو يابها لانج تعبانه بحملج ( بسم الله عليج حتى لو مب تعبانه بس عشان يفهمون ان انتي مب رايمه ع شغل البيت)
واذا رمست مره ثالثه قوليلها عمتي روحي هلكانه واحس بثقل و ولدج( ريلج انتي) يبا البيت نظيف وملابسه لازم تنغسل وانا ماروم
سلفيني خدامتج شوي
طبعاً لو رفضت كاش
بتستحي تطلب خدامتج
واذا طلبتها خبري بنتها ان جي جي السالفه وانا ما اوعدج اني اخليها عندج
بس لو مثلا انتي حسيتي انها فاضيه بتطرشينها حقها
وجذي
اختي وايد حريم تشتغل في بيتها من تنظيف وغسيل وطباخ وعيال وبعضهم بدون خدامات
ما قالوا ظلم
وانا فوق هذا كله كان عندي جامعه ودراسه
حسستيني انج تسوين شي فضيع بتنظيفج للملحق
هونيها وتهون واذا صعبتيها بتصعب
وعن وضعج الحالي لو منج ما اييب خدامه احينه
عندج اجازه شهرين فالبيت غير السنويه لو بتزيدين يمديها تتعود عليج
اجلي لقبل رباج بفتره بسيطه
واذا تميتي تسكتين عنهم بيكبر تدخهم في حياتج
قوليلها انا اباها تتعود عشغلي
وبنتج مب حامل الشغاله تكون ضروريه
انا حامل ماقدر اتحرك
اذا سكتي بتاخذها وبتشتغلين وبتتعبين
عمتج بتزعل وبترضى
و اذا يعني لازم تروح جيبيها من طيب خاطر قولي اي والله خل تروح تساعدهم ومنها تتعلم منهم مثلاً طبخها حلو والا اي شي عرفتي
واذا عن الشغل فالله يعين هذه الدنيا
