الله يرزقج اللي فيه الخير بنت خالوه رعاية الاطفال

بكتب لكم سالفة بنت خالتي قالت لي اللي في خاطرها امس وماعرفت شو ارد عليها والله ..

قالتلي ان من عمرها 18 سنة لله الحمد الله دايما يخطبونها بس تدرون شو النصيب مايستوي .

ان بس مجرد مايتكلمون عليها في الخطبة بعدين الموضوع ينتهي جنه ماصار شي . يعني اهل المعرس مايردون عليهم طبعا هاكله يصير في تلفون قبل الشوفه الشرعية .

صارت هاي السالفه اكثر من 4 مرات لها وكل الرمسه تكون في التلفون من ام الولد وام البنت وبعدين مايردون عليهم يعني السالفه ماتكتمل , وبنت خالتي طبعا تبا تفرح مثل اي بنت يوم يقولون لها فلان خطبج تفرح في البداية وبعدين تتحطم كل احلامها ..

اكثر واحد تمت الخطبة ولد عمها خطبها وقالوا الملجة عقب اسبوعين وبعدين غيروا قالوا لا ان شاء الله عقب رمضان لانه هاي السالفه صارت في شهر 6 سنه 2024 تمت بنت خالوه مخطوبه حقه 4 شهووور والله انها كانت مستانسه وحتى تقول مابا اخبر حد عشان الشي مايخترب بس بعد ماخلص رمضان ويانا العيد سمعنا شي ثاني ان خلاص ولد عمها قال ان مايباها وقالهم ان شاء الله بيي نصيبها بواحد ثاني . مو حرااااااااااااااااااام هالشي ؟ ادري ان كل شي قسمة ونصيب والله ماارادلها .

وسالفه بعد صارت قبل اسبوع ان وحده شافتها وقالت تبا تخطبها حق واحد من اهلها خذوا صورتها واسمه ابوها عشان يسألون عنهم وبعدين ماااصار شي الين الحين ..

والله امس تكلمني فتحت لي قلبها مع اني انا مب وااايد وياها كول ..
تقولي يمكن فيها شي يعني حسد او شي من هالقبيل يبعد عنها المعاريس

للعلم عمرها صار 22 سنة ودايما كانت تقول نصيبي بعده ماياا والحمد الله على كل حال بس هي تقول مب كل مره يصير لها نفس السالفه وتسكت .

ملاحظة :

تسمع صورة البقرة يوميا
تحصن عمرها دايما
مواضبة ولله الحمد على اذكار الصباح والمساء
وطبعا الرقية الشرعية دايما تسمعها سواء في السيارة او في البيت

اللي عندها شي تبا تضيفه او نصيحة لها تكتبها وفي الاخير لاتنسونها من الدعاء ..

المشاركة الأصلية كتبت بواسطة شموخ أم شخبوط

الله يرزقها الزوج الصالح عاجلاً غير آجل إن شاءالله

امين ان شاء الله
مشكوره اختي