فديتكم عندي مشكلة اعانيها من فترة طويلة ..
بس الحمدلله ..
انا معرسة وصارلي سنتين ونص تقريبا .. ريلي يعاني من ظروف صحية ..
وصااار له فترة طويله (لله الحمد ع كل حااال) …وهو جي وضعه ..
المهم يوم قبلت فيه هو وضحلي شغلات انه هب دايما ايروم عليها ومنها..
العلاقة الحميمة …وغيره من شغلات..الخ
ونا رضيت .. بس يابنات مراات ابا هالشغلات.. لنه طبيعي اي وحدة فهالعمر تبا ..ونا عمري صغير
وهو اكبر عني ب9 سنواااااات… هو يتضااايق لنه مايقدر يسويها ..يتعب ابسرعه او مافيه لياقة في جسمه .. ايي مراااااات هب دوووم الحمدلله .. ادري انه غيري هب لاااقي اللي القاااه ولو اشوي ..
اوقااات اصبر.. اوقااااات اقووول احسن عسب انشغل ف صلواتي .. مادري كيف اوقاااااات احس اني ماررروم اصبر .. (الحمدلله )… مالومه مرااات .. ومرااات الومه لنه في اشياء اذا هو يباها يسويها .. ماعرف يمكن انا هب فاهمة ظروووفه عدل… مراااات احس القصور مني ما اشجعه وااايد ع العلاااج الطبيعي .. معنه هوو وااااااايد سافر عشان العلاااج بس ربي ماكتب له شفاااااء ان شاء الله فيه خيير حقه ..
فـــــــــــ :: ياحبايبي اعطوووووني ارراائكم ونصايحكم اللي احتايها عسب اغيير ف حياااتي..
احااوال فيها افهم ريلي اكثر معني فاهمه الحمدلله بس بعد ابي اكثر ترى اوقاااات الوااحد يعرف شو اللي زين له وشو اللي شين بس يحب يسمع من نااااس وياااخذ برااايهم عسب يطور من تفكيره اكثر ..
صح مراااااات اعصب وماروووم اصبرعقب انسى…
ادعوللللللي يا اصحاب القلوب الرقيقة .. عسب ربي يوفقني ف حياتي مع ريلي ويثبتني ع طاعته ويااه وييسر جميييييع اموري ويرزقني الذرية الصالحة بفضله ..
توقعون اني صابرة معااااااااه ..
اترياااااااااااكم لني صدق بستفيد منكم ..
لو ريلج عنده سمنة او وزن زيادة شجعيه يسوي رجيم و يمشي 5 مرات ف الاسبوع
ترى هاي الامور تأثر ع العلاقات
اما عن الحلول الثانية ما اعرف والله
الله يفرجها عنكم ان شاء الله
وانا انصحج بتشجيعه عالعلاج وحاولي ترفعين معنوياته لان هالشي بعد يساعد ولا تحسسينه ان هالشي مضايقنج لانه بيأثر وايد عنفسيته وهالشي مب في صالحه
عليج بالصبر حبيبتي صج معاناه الله يعينج بس ما تعرفين ربج شو يكتب استغفري وادعي الله انه يشفيه وارقيه واقري عليه كل ليله وان شا الله مافيه الا العافيه ياما ناس كانو جيه واكثر بس الحينه ما شالله بكامل صحتهم فلا تفقدين الامل برب العالمين لان قادر بطرفة عين يغير من حال لي حال واستعيني بالصبر والصلاه والله بياجرج على هالشي
عليج بقراءة سورة البقره والاستغفار والله اييسر امورج بإذنه الواحد الاحد
غاليتي 
المؤمن مصاب ^^
والإنسان اذا أحبه الله ابتلاه
لإن كل ابتلاء عليه أجر وكل أجر في ميزانج يوم الحساب
الصبر شي كبير أختي ,, وانج تكونين انسانـة صبورة قمـة الحكمـة والقوة ^_^
ريلــج ما يسوي هذا الشي عسب يعصبج لا هو عنده حالـة مرضية وبروحج قلتيها يسافر عسب يتعالج لكـن الله ما كتب له
واهني أختي يي دورج
أول شي عليكـــم بالصدقـة لإنهــا تدفع البلاء ,, ثم الرقيـــة الشرعيـــة
وبعدين أختي ليش ما تشجعينـه على الحجـــامة
العلاج بالإبر الصينيـــة ,, العســل والتمــر وغيره من الاشياء الي ثبت انها جدا مفيدة للانسان
راقبي نظامـه الغذائي ووزنــه لإن في أغذيـة تشجع وتزيد من هذا الشي
الرياضـة بعد وايد تحل مثل هذي المشاكــل
وأهم شي أختي النفسيـة
ريلج صدقيني ما يعلم به الا رب العالمين
لإن هالنقطـة جدا جدا حساسـة عند الذكور
اذا كان فيها نقص يحس انه مب ريال وانه ما يسوى شي
يعني يفضل يكون فقير على ان يكون عنده خلل في القدرة هذي
واهني يي دورج الغالية
بالابتسامـة والكلمـة الطيبـة
وأهم شي طولــة البال وتشرحين له انج متفهمـة ^_^
ولازم هذا الشي يكون صدق
لازم تتفهمين أختي ان اي انسان منا في أي وقت يقدر رب العالمين يبتليه بمرض
واتخيلي نفسج لا سمح الله تعبتي ريلج الي بيقوم بج واكيد بيحطج في عيونـه وبيتفهم ^_^
لإن هالاشياء خارجـة عن إرادتنا والصبر لها أجر وكفارة ذنوب بإذن الله
قوي ايمانج أختي
ومثل ما قلتي اشغلي وقتج بالشي الي يفيدج ولا تركزين في العلاقـة وايد ^_^
وخليه هو يتشجع اذا كان مرتاح نفسيا صدقيني
بدون محاولـة منج هو بيي بروحـه..
حتى اذا ما نجح في المحاولـة لكن نفسيتـه بتكون مرتفعـة وبروحـه يقدر ان شاء الله يحصل حلول وأشياء تساعده
ايدج بغاده لطريق الشفاء ان شاء الله
وصدقيني رب العالمين ما بيخيبكـم
أهم شي أختي اكثرو من الصدقـة والاستغفار
وقيام الليل صدقيني وايد بتشوفين الفرق
ربي يوفقج ويسر لج ويرزقج كل خير يارب ^^