حصلت ف كبــــت اخويــــه ملابــــــــس …………. الجزء الثاني!! لتربية طفلك

تذكرون هالموضوع …؟؟
https://forum.uaewomen.net/showthread.php?t=680397

هاذا الجزء الثاني .. سبحان الله .. ما توقعت ان بيكون فيه جزء ثاااني .. لكن قدر الله وما شاء فعل ..

عقب ما نزلت هالموضوع ..

بعدها ب 3 اشهر تقريبا ..

استوت مشكله بين اخوووويه وحرمته ..

وانا فاليوم نفسه كنت بطلع ويااا اخوووي .. عشان يوديني المطااار .. لني كنت بسافر ورا ريليه

المهم .. حرمة اخوووويه اتصلت باخوهااا.. اللي هو ريلي

وخبرته بالسالفه .. وبالمشكله اللي صايره بينها وبين اخووويه

وقاللها ريليه سيري عند حرمتي .. اللي هي انا وخبريهاااا .. يمكن تنصحج بشي او اتكلم اخوووهااا..

ايتني حرمة اخووويه وقالتلي ابااااج ف كلمه .. قلتلهااا حيااااج شو ف خاطرج؟؟

قالتلي اباج اتكلمين اخوووج .. شو اسوي وياااه ..؟؟!!

ونشرت غسيله كله جداااامي .. طلعت الحرمه اتعرف وايد شغلات .. واتعرف عن بلاوي ريلهااا الحديثه ..
بس ما اتعرف عن سالفه الشقه وشو ف داخلهااا

…

كلمتهاااا وقلتلهااا هاذا من ضعفج .. والريال ما تعيبه الحرمه الضعيفه ..
قلتلهااا ما سالتي نفسج ليش ما يحب يشلج وياااه مكااان ؟؟
ما سالتي نفسج ليش ما يحب ييلس فالبيت؟؟
ما سالتي نفسج ليش ما يسولف ويااااج ؟؟
ما سالتي نفسج ليش دومه يالس جدام التيلفزيووون .. والا يطلع برع؟؟

قلتلها كله بسببج .. وبسبب سكوتج وضعفج ..

قلتلهااا ياما نصحناااج .. بس ما سمعتي نصايحنااا..

نحن انعرف انج ييتي من مجتمع منغلق.. (امهااا وااايد عصبيه .. وكله عندها عيب ومنقوود .. يعني لو ظهرت شعرها جدام الحريم .. عيب عندهم)

المهم انا عطيتهااا من هالزين .. وبعد طيبت خاطرهااا بكمن كلمه .. ووقفت وياهاا.. وقلتلهااا شلي ملابسج وسيري بيت اهلج .. البيت اللي رباج وانتي صغيره .. ما بيعيز عنج ولا عن بناتج وانتي كبيره ..
البنت سوت اللي قلتلها عليه .. وشلت ثيابهااا وقالت حق ريلهااا وصلني ف طريجك ..
وع فكره هالكلام كان الساعه 11 فالليل او 12 فالليل ..

واستوت الحشره والهوره .. والصدعه فالبيت .. وطلع اخويه من البيت معصب لمدة ساعه.. ومحد درى عن اراضيه .. لين ما يابه اخويه ورده البيت ..

المهم سارت ختيه العودده ويلست ويا اخوووي

وكلمهااا بكل صراحه .. وع فكره انا قبلها بكمن شهر كنت مخبره ختيه عن سالفه الشقه وشو محصله فيهااا..

المهم عقب ما كلمته قال باختصااار : (حرمتيه ما فيها انوثه .. وما اتعرف تتدلع .. ما احس بانوثتهاااا ابداا.. وكل مره افصل لها ملابس وجلابيات .. وما تلبسهن..) بخبركم نقطه عن حرمه اخووويه اتحب اتكون مبهدله .. ووقايتهااا دومها منطره.. ما اتحب تكشخ الا وقت الاعياد والمناسبات .. بس عشان اخواني فالبيت .. بس حتى ولو .. المفروض تكشخ لما يكون اخويه فالبيت .. هب شرط اتحطي مكياااج .. بس ع الاقل تلبس لبس حلووو ومعاااه شيله طقم ..

من سمعت ختيه هالكلام كان حد صب عليها ماي بارد .. وحسيت بالضيج ع اخويه .. ووايد كلام دار بينهم .. بس سمحوليه صعب اني اكتبه ..

ع فكره نحن يااااااااااااماا وياااااااما نصحنا حرمته .. قلنا لهاا سوي جدا وسوي جذا .. بس لا حياه لمن تنادي ..

المهم عقب ما سارت ختيه العوده بيتهاااا.. نزل اخووويه وسار عند حرمته .. وخلاف طلع من عندهااا..
ما انعرف شو درا بينهم

وطلعنااا عاد من البيت ع الساعه 3 الا ربع الفير ..

وفالسياره سالني .. قالي شو شفتي فالشقه ؟؟

قلتله شووو ؟؟ قالي ترى فلانه خبرتني (اللي هي ختيه العوده )

خبرته بكل صراحه .. وبكل اللي شفته .. سكت وقالي هاذا من الماضي .. قلتله اذا من الماضي ليش لين الحين محتفظ فيهم ؟؟

قالي كنت ناوي اعقه ..

قلتله خلاص ما يحتااااي .. انا عقيت كل شي من الشقه .. من رسايل وملابس وغيرهن من السوالف

وصح قالي اكثر الشغلات اللي من هالسوالف مالات ربيعه ..

والعياذ بالله .. والله يستر علينااا وعليكم

ع فكره (بعد ما نزلت الموضوع الاول .. وقبل لا نطلع من الشقه .. سرت وسويت حملة تنظيف .. ولفت زباتين كبااار .. ومحد كان فالشقه غيري.. عشان جذا خذت راحتي فالتنظيف والتنبيش خخخخ .. ونزلت تحت عند زباه العماااره .. وانا انتفض .. من الخوف .. لني كنت خايفه يرد ريليه ويشوفني تحت عند العماااره .. حزتها بيشك فيني .. بس الله ستر .. وما شااافني حد .. )

والحمد لله .. والله يهدي اخوووويه وحرمته ..

الله يسخرهم لبعض ويبعد عنهم عياال الحرام ويسعدهم ياارب