زوجه الثانيه عن طريق الشات

السلام عليكم خواتي بطرح عليكم موضوع يحرق القلب وأبغي أرشدي هذا موضوع صار لي أقرب الناس لي أبغي أعرف ليش الريال يتزوج على حرمته صح أنه الشرع حلل له 4 بس هذي الأنسانه إذا هب مقصره فيه في أي شي ملبيه رغباته وتحترمه وتسمع كلامه ومربيه عياله وبناته أحسن تربيه محترمين مدينات البنات تستحي يوم تكلمين وحده من بناتها من الأدب والأحترام يعني حتى من شغلها فنشت عشانه وعشان عياله شو جزاها تزوج عليها بوحده مطلقه قبل ومتعرف عليها عن طريق الشات في النت وعقب تلفون وعقب زواج الحرمه تحملت إهناته وعدم إحترامه لها ويوم تيبله شي صدها وقالها حق شو أنا ماب شي منج يعني لو اقول ما أقول ماقدر أوصفها لكم قمت الإحترام والله العظيم يوم دريت ريلها تزوج عليها تميت أصيح عشانها ليش جيه هي ماتستاهل هذا شي لأني أنا شفتها والله العظيم انه يغلط عليها وتسكت عنه جدامي صار هذا الشي وهي تقول إنشاء الله إنشاء الله مابيصير مره ثانيه وهوحتى مايتم لها في البيت كل يومه برى البيت وحليلها تترياه لين ساعه 1الصبح والله العظيم مايسوي لها سالفه شو جزاتها وهي حليلها تزوج عليها شهر2يوم هي مسافره مع اختها العمره قالها سافري وهي حليلها ماتدري شو بيسوي بها لبسها ماسولها سالفه هانت عليه العشره تزوج عليها وهي في العمره وتقول حليلها ياليت خبرني أنه تزوج أو أنه ناوي يتزوج لا حطها جدام الأمر الواقع ووزوجته الثانيه إتصلت فيها وقالت لها أنه تزوجها وهي ماتدري وبعد تقولها يا مسكينه ماتدرين وهو عندها يضحك المهم روحت المحكمه وطلبت الطلاق وقالت أناماباه أبغي يطلقني خلاص قلها مابطلقج قالت له خلاص إختار أنا او هي وهوقال بكل جراءه تخسين أنا أحبها وما بطلقج أنت يا خواتي شو رايكم في الموضوع صبرت عليه في الحلوه والمره وتحملته وماقصرت عليه بأي شي شو تحكمون عليه أتريا ردودكم .

استغفر الله شو من قلب عليه ،

مادري شو اقول بصراحة الله يجازيه بافعاله ويصبر المسكينة

لا حول ولا قوه الا بالله العلي العظيم
فرت راسه والرجال هالايام مالهم امان

مالها الا انها تتطنشه وتحقره والدنيا دواره

لا تعصيه لانه زوجتها …ولا تنذل له اذا ماجا لها يزحف بتشوفون ……..

الله يصبرها ويعينها

والله يا اختي ما وصل الريال لهذي المعامله لزوجته ..إلا من زوجته ..والله الحرمه يلي ترضي على نفسها الأهانه والذل ..والسكوت على الخطا ..يوصل الزوج لقمة الانحطاط في معاملة زوجته بهذي الطريقه ..
الحرمه تحترم زوجها وطيعه وتلبي طلباته ..ولكن بالمعاشره والكلمه الحسنه ..والله سبحانه لا يرضي بالذل والاهانه ..
وانا رائي انها تكون في ذمته ..ولكن تعامله بسطحيه ..ولكن دون الخروج عن طاعته ..وتحافظ على بيته ..ولكن لا ترضي بالاهانه مره اخري ..وتحسسه بوجودها ..وتهتم بنفسها ..وتهمله بطريقه غير مباشره ..وتشغل بنفسها وببناتها ..

خواتي المشكله هب جيه بس ريلها مدين يعني يخاف ربه وهي مارضت الأهانه إلا عشان عيالها بس خواتي الإيد الوحده ماتصفق لزم إيد ثانيه ولأنه تربيه صعبه وهو ماقدرها والله العظيم تحطينها على الجرح يبرى حرمه تخاف ربها بس هو غدر فيها قالت هو عادي يتزوج بس هب من وراي والله قال لو قالي أنا بخطبها له بس ليش يسوي فيني جيه ليش يغدر فيني قلت لها صبري عليه بيرد قالت أنا شو قصرت ملبيه كل رغباته من كل النواحي وهي والله العظيم لو حتى في 40 سنه جميله فوق ماتتصورون ومدينه مايظهر منها شي بس شو بتقولون الريايل ماتمزر عنهم إلا تراب وهي عمرها مقصر وأنا شاهده على هذا الشي تطبخ ووتسوي حلاقات ذكر وتدعدل يعني لو حتى فجأه أيها وهي ماتدري شو ريحتها خنينه من دخون وعطر بس في البيت ومتعدله شو ناقصنها هي ردو عليه شو نقصنها المسكينه .

كفيتي ووفيتي انا مع الاخت