هذه أول مشاركة لي بالمدونة وان شاء الله ماتكون الاخيرة
الصراحه وااايد استفدت من المدونة جزاكم الله كل خير
خواتي المتزوجات عندي سؤال الصراحة مستحيه واايد وماقدر اسال حد غيركم
بعد اسبوعين ان شاء الله عرسي ادعولي الله يتممه لي ع خير
السؤال الحين بليلة العرس في الفندق شو البس؟
يعني عادي البس قميص نوم ولا هذا بيعطي الزوج فكرة عني من اول ليله؟
او البس فستان عادي؟ ولا شو بالظبط؟؟ مدري ليه احس لو لبست قميص نوم ممكن ياخد عني فكرة او شي ؟
ياريت المتزوجات يخبروني من خبرتهم
وبارك الله فيكم
حبيبتي تلبسين قميص نوم +الروب الطويل ماله
يعني المحلات يبيعون قمصان نوم خاصة حق اول يوم تكون من الستان(عادة)ويكون لها روب فيه شك^_^
وما بياخذ عنج فكرة ولا شي
والله ييسر لج امورج
بس في اول يوم يفضل انج مثل ما قالت الاخت انج تلبسين قميص نوم ابيض طويل و فوقه روب
و الله يوفقج
كيف حالج اختي
البدايه لازم تكون حشمه هالكلام تعلمته من خواتي المعرسات و طبقته في حياتي و الحمدالله المور ماشيه طبيعيه و لله الحمد
انا جربت اول لبس يكون من نعومي عباره عن قطعتين الأولى الإيد كت و حفر و القطعه الثانيه عباره عن روب طويل يغطي الجسم كله
وايد راقي على اللبس و عن تجربه الصراحه ، غالي في حدود الـ 1700 و شي لكن يستاهل
سيري نعومي و خذي لج لفه و ان عيبج شي خذي و لاتترددين و عقب اول ليله بين فتره و فتره شوي اطول يعني ارجعي اكشخي و البسي نفس اللبس بتعيدين ايام حلوه و بتستانسين و بتونسين ريلج وياج
موفقه اختي و الله يتمم لج على خير =)
اولا الف الف مبروك مقدما
ثانيا الخوات ما قصررو مثل ما قالو لج
قميص نوم طويل وفوقه روب
الله يوفقج ويسعدج بحياتج
ربي يوفقج ويسرلج امورج..بس لاتنسين ركعتين سنه بعد العرس 
توصلين الفندق تسبحين طبعا ما تمين بمكياجج لان مكياج العرس وااايد ثجيل
قبل ما تطلعين عزج الله من الحمام تعطري باحلى عطور وحطي لج كريمات وفلي شعرج
وحطي لج ميك اب خفيف يعني كريم طبقة خفيفة + جحال داخلي مع مسكرة + وقلوس بطعم فراولة او توت
ولبس النوم يبيعون طقم قميص النوم فيه كرستالات مع الروب طبعا حق اول ليلة وريلج بيتخبل عليج