موضوع وايد حساس للمتزوجات طبعا منو الاهم امج والا ريلج لتربية طفلك

فديتكم خواتي ابي اعرف منو اهم بالنسبة لج امج والا ريلج
كلام منو تاخذين اكثر شي وليش
منويبغي مصلحتج اكثر
من فيهم لازم تهتمين بقرارته
بليز اتمنى الكل يرد على تساولاتي لان ابي اعرف
انا توني من سنتين معرسة وصغيرة وابي استفيذ منكم

أمي طبـــعا ….

لان محد مثل الام …ومهما كان ريلي يحبني ما بيووصل لدرجه الي امي تحبني فيهاااا

طبعا الراي الاول والاخير بيكون لي بس امي على راسي بس ما بسمع كلامها في كل شي ممكن يخرب علاقتي الزوجيه .. وريلي على راسي بس ما بسمع كلامه في كل شي يخرب علاقتي مع اهليه … يعني انا صاحبة القرار وكلهم مهمين بالنسبه لي ..

امي ربتني ووقفت معاي وعرستني وتمنتلي كل الخير..بس دام اني انتقلت لحياتي الزوجيه صرت مستقله وراي ريلي هوو اللي يمشي الحينه..يعني امي كانت فالاول لها الراي الاول وماتنزل رمستها..وع العين والراس..مسموعه اكيد رمستها بس فاشياء معينه ماتخص حياتي الخاصه..لكن زوجي له الكلمه الاولى والاخيره علي..

الله يوفقج الغاليه ويخليج لاهلج وريلج ياربي..

مرة كنت اسمع شريط ديني كان المطوع يقول فيه
اسمعي كلام امج واسمعي كلام ابوج

لكـــــن

نفذي كلام ريلج ^_^

طبعا لو كان في شرع الله مب في شئ فيه معصية اكييد

بالنسبة لي .. أسمع راي أمي و راي ريلي وأشوف إلي يناسبني ويناسب الموقف و بعيدين أقرر

طبعا الاثنين يبون مصلحتي .. والأم أكثر .. بس حسب الموقف إلي أنا فيه أقرر راي امنوه آخذ

حبوبه .. الام عل العين والراس وطاعتها واجبه .. وطبعا في غير معصية الله …
>> يعني لو الام تنصح بشي يعارض كلام الزوج.. المفروض انه ما يتنفذ .. لأن الرسول وصى ان المرأه تطيع زوجها ..
ولو الرسول أمر الوحده تسجد لغير الله تعالى جان أمرها تسجد لزوجها ….

بس أهم نصيحة في حياتي آخها من عند أمي ,, لأنها أكثر وحده تبا مصلحتي في هالدنيا …(( فديتها …)))