بداية أحب اشكر كل أخواتي اللي دخلو على موضوعي السابق بعنوان( الله يرزق كل بنت بالزوج الصالح وكل زوجه بالذريه الصالحه) أشكرهم جزيل الشكر على ردودهم الحلوه وعلى دعواتهم يعلني منحرم منكم..
اليديد
موضوعي السابق كان من ثلاث ايام تقريبا واخر كلامي كان أنه قال بيي الدوام عشان يشوفني بس ما يه وما أعتذر …. وهالشي ضايجني مع العلم أني ما اعرفه والمفروض اكون عادي اخذ الموضوع بروح رياضيه وحاله حال غيره اللي يو قبل… بس ما ادري من داخلي احس اني ابغي اشوفه … والله والله فخاطري كنت اعرف كيف شكله.. المهم اليوم اللي بعده انا قلت سبحان الله يمكن ايي فلازم اخذ احتياطاتي و اللي هو ( شنطة المكياااااج الصغيره اللي تنحط دايما في شنطة اليد الكبيره) قلت ف نفسي لا لا لا انا هالفتره ما بنساج وين ما اسير انتي معاي… المهم يومين وما شفته وانا اكون بكامل اناقتي وشياكتي مع احتشامي … بعدها فقدت الامل قلت خلاص ما في نصيب ويمكن سبحان الله خيره اني ما شفته والحمد الله على كل حال… اليوم يا بنااااااااات أختكم بنت راشد كان مالها بارض اتروح للدوام فقلت بتصل في مديري وبقوله اني تعبانه وما بداوم … رقدت الصبح اليوم لين الساعه 9 وبعدها نشيت قلت لا لازم اتصل في المدير .. اتصلت فيه قالي لا بنت راشد لازم اداومين عشان عندي شغله لازم اتوقعين عليها وانتي تاخرتي قبل وما وقعتي واليوم اخر يوم… قلت فخااااطري أففففف ششو هالنحاسه … قلتله اوكي انا يايه الحين… قمت سبحت سبحه سريعه ولبست عباتي وقلت ما بحط شي في ويهي مب متفجه اليوم وسرت الدوام…. وقعت عالاوراق وبعدها قعدت على مكتبي بدون شغل مافي عملا… ما ادري شو السالفه … قلت ف تفسي خليني احط مكياج خفيف دام ماعندي شغل … تمكيجت بس مش المكياج اللي على مزاجي … اللي دايما اتمكيجه… وبعدها قلت حق اربيعتي انا بسير الحمام عزكم الله.. وسرت فوق … تدرون قعدت ف الحمام تقريبا نص ساعه وتليفوني ما شليته موجود عالمكتب.. أنا ياسه في الحمام بس جي ما اسوي شي… يالسه العب بشعري وأعدل بلطلوني .. واتمضمض … وأقعد شوي عالمغسله … مااااشي شغل هبله… المهم قلت بس عاد اطلعي سيري شوفي يمكن عميل برع … طلعت ومن دخلت الغرفه أشوف اربيعتي من بعيد بنت رااااااااااااااشد بصوووووووووووووووت عالي .انتي وين؟؟ .gif "12 (98)")
قلت بسم الله شوفيه … قالتلي محمد برع ( المعرس) وتليفونج نقع من الاتصالات وعقبها قلت برد وطلعت اربيعت اختج واتقول انه المعرس برع…….قلتلهااااا هااااااااااااااااااااااااااااا .gif "12 (53)")
. وينه… قالتلي الباب اللي ورا يترياج.. بسرعه سيري … طلعت من الغرفه سرت عند الباب وادور اقول ف خاطري وينه يمين يساااار أصد
… مافي حد… واللي شوي اشوف واحد ف السياره يطالع شفته عقبهااا اغمى علي…
وبعدها نزل سوا عمره ياخذ شي من السياره عشان اشوفه ويشوفني عدل … وبعدها راااااااااااااااح وأنا رحت فيها………………
الصراحه… توقعته غير يعني شكله غير بس طلع مو اللي ف بالي .. يعني انا احلى عنه….
بس ارتحت لاني أحلى…. أنا اهم شي عندي انه ريال ومحترم يعني الاشيا اللي كل بنت تتمناها…
وبس …
تعبتكم معاااااي صح… حبايبي والله انا احب اقول كل شي بالتفصيل عشان تفهموني عدل..
ملاحظه… ترى اليوم انا ماحبيت شكلي عباتي اللي لابستنها طقم يديده بس واااااااااااااايد وسيعه لاني ضعفت 10 كيلو في رمضان وجنها خيمه علي …. يعني يمكن يقول اني دبه..بشكل عام كنت اتمنى انه يقولي قبل انه بيي…. يعني سخيف …. خخخخخ ..
ها شو رايكم … ولا تنسوني من دعواتكم الحلوه اللي اتريحني ….
تفائلوا بالخير تجدوه ،،،، بمكياج بدون مكياج ،،، بعباه وسيعه وإلا عباه ضيجه ،،،،، إذا دخلتي خاطره ( بإذن الله ) ما لج مفر من النصيب