بنات يزاكن الله خير
اريد ملف خاص بالتفصيل عن اكل الطفل من فوق ست شهور
بنتي عمرها ست شهور واسبوع وللحين مب ملتزمه وياها بالاكل
لاني مول ما اعرف اطبخ
يوم اسير بيت اهلي اعطيها وجبتين لان اختي تكون مسويه لولدها واعطي بنتي
بس يوم ارد بيت ريلي ما اسوي لها شي الا سيليلاك لاني ما اعرف شي اعطيها
اللي تعرف طريقة المهلبيه والكستر تقولي والله يجزيها خير
وبعد قولولي شو اسوي لها بالتفصيل وكيف اطبخه
اريد اشوف بنتي دبه وتختوخه
والله يجعله في ميزان حسناتها اللي بتساعدني اتعلم اطبخ لبنتي
الله يوفقج يارب
اي شي عندك في البيت اسلقيه وحطيله شوي زيت زيتون واطحنيه ع الخلاط
وجبه وحده بتكفي في اليوم يالاضافه للحليب
ولما تسير 9 شهور دخليلها اللحوم مع الاكل
فيكي تعملي كميه كبيره من الخضروات وتسلقيها وتهرسيها وتفرزيها بعلب على قد الوجبه
بها العمر بتحتاج 100 غرام للوجبه
اشتري الجهاز من ماركة افينت أو اي ماركه ثانية اللي يطبخ بالبخار ويخلط يعني 2 في 1
انا خذت من مذركير
واسلقي فيه اي شي مثل التفاح او جزر او بطاط او كمثرى واخلطي وعطيها
او عطيها عيش ابيض وروب عالغدا
ومن تكمل 10 شهور عطيها اكل البيت اللي انتوا تاكلونه