يا بنات انا من عرست كنت الاحظ على بنت عمتي انها ماتناغي ولا يطلع منها حس وكان عمرها خمس شهور وكانو يحطونها جدام التلفزيون من الصبح لا الليل تطالع طيور الجنه بدون ماتمل او تنام مبطله عيونها وعادي ماتسوي شي غير اتطلع وكانت عمتي مرتاحه منها بس تحطها على التلفزيون وتسير ، المهم كانو بعد يعطونها اكل مهروس وابد مايغيرونه لها معا الروب وكانت مستحيل تاكل اكلها من دون الروب الي صار عمرها سنه ونص وهي تاكل اكلها المهروس هذا ولا ترضى بغيره ولاحظت عليها وهي بها العمر وايد نشيطه وحركيه وعمري ماشفتها قاعده حتى ابدا ماتنام بس تقريبا 6 ساعات في اليوم وامها دوم تشتكي من نومها بعد لاحظتها انها ابد ماتتي عندج يوم تزقرينها باسمها كانها ماتسمع بس انا متاكده انها تسمع وعلى فكره ماتقول ماما او بابا ابدا ولا كلمه تطلع من حلجها بعدين سويت سيرش عن اعراض التوحد والله العظيم مثل ماكنت شاكه كل اعراض التوحد موجوده فيها كل شي عقب خبرت ريلي بس هو انكر وقال لا مافيها شي بس تهلوسين طبعا اخته مابقول فيها شي ، والحين صار عمرها ثلاث سنوات وداشه عالرابعه هي على هالحال ماتغيرت حتى الكلام ماتعرف واسمها بعد وغير هذا صارت عليها حركات انها تلعب بروحا وتصيح فجاه وتضحك فجا وتحب تضرب راسها عالارض وتحب تدور حول نفسها دوم وتروح مكان تلعب فيه ومستحيل تغير مكان اللعب ولا مكان الاكل الي هي متعوده عليها ، وشي بعد بيصدمكم تخيلو انها تدخل اليوتيوب وتدخل على فيديوهات طيور الجنه وتختار وتغير على كيفها … الحين وصلنا للمشكله هي ان عمتي وايد مهستره على بنتها تخاف عليها حتى من نسمه الهوا يعني فضيعه جننتنا هي وبنتها كل مسكره الابواب تخاف تطلع ولا تختفي فجاه عادي توقعو هذا غير الشغاله الخاصه حقها مقابلتها من الصبح لل الليل انزين وحده مثل هذه كيف اقولها ان بنتها يمكن تكون متوحده وان يودونها للدكتور باله كيف اقول ؟؟؟؟؟؟؟؟ الحين ريلي اتاكد انها مريضه بعد ما جاف حركاتها وسوا سيرش بس قال انا مقدر اخبرها لا هي ولا ابوي يمكن امي تصفعني اذا قلتلها ، اذا هذا ولدها يخاف يخبرها عيل كيف اخبرها والله ماتحمل الوضع والبنت حالتها تزيد يوم عن يوم .*
حرام الله يعافيها ان شاء الله بس انصحج ماتخبري امها ممكن تعصب وتزعل منج وايد لو ولدها خبرها بيكون احسن بتعصب صح بس هدا ولدها مابتخد موقف منه للابد بتزعل شوي وبس اقنعيه يخبر امه لمصلحه اخته
صح كلامج يا دلوعه والله لا تكرهني كره وتطردني من بيتها انا اصلا دوم اجاملها في بنتها اقول مشالله حلوه وهي شيفه الصراحه عمتي حالتها صعبه حتى لو ولدها قالها عادي تتبرا منه وتطرده هو الثاني ، والله ما اتحمل هم بعد يزيدون الطين بله وكله يعطونها هالروب وانا قريت ان الروب يزيد اعراض التوحد للمصاب وغير هذا الاكل المهروس لدرجه البنت ماصارت تقدر تمضغ او تحرك اسنانها كله تبلع الصراحه هذا اخرة الدلع ،،، دخيلكم كيف اوصل الفكره لعمتي للانها يمكن ماتعرف ان في مرض اسمه للتوحد والله ان البنت 100% مريضه هذا غير الحريم الي ييون ويسالوني من غير ماعمتي موجوده يقولون هي مريضه اقولهم لا اذا الغريب لا حظ هالشي كيف هاذه الي هي امها؟!!!! بلير كيف اوصل الفكره لعمتي احس اني أخذ اثم اذا ماخبرت وانا قريت بعد ولا حظت انها من النوع الذكي جدا ويمكن يتعالج بس يكون العلاج مبكر في سن صغيره اخاف يتمون على حالحاله و البنت وتكبر ولا ينفع معاها اي علاج بعدين .
هلا يا خيتي:
يجب عليكم فورا البدء برحلة العلاج. فهذا التوحد يتم علاجة أفضل بعشرة أضعاف عندما يكون الطفل في سن صير ويبدأ العلاج في سن صغير.
لا تهملوه. توجهو إلى الأردن فهناك أفضل مراكز لعلاج التوحد في العالم العربي.
وربنا يشافيه.
لازم تخبريها من اجل مصلحة الطفله حرام العلاج من البدايه مهم واايد وانتم حرام تسكتون
يزعلون شوي بس عقب مايفهمون هالشي من مصلحه البنت بينسون الزعل ومايفكرون غير بالعلاج
ما تشوف شر
الله يعافيها ويشفيها
الله يعافيها ويشفيها
والله مقدر اخبرها بس ابا اوصلها الفكرة بس ماعرف كيف اباها تعرف هالمرض شكلها مول ماتعرف شي عنه بس هي لو تعرف الاعراض المرض اكيد بتشك والله يابنات انا جفت اعراض المرض هذا كله فيها ماخلت شي مثل : تاخر النطق ،الضحك فجاه والبكا فجاأه ، الارجحه يمينا وشمالا، الدوران ، ضرب الراس ، عدم الاستجابه للاسم ، اللعب باليدين لفترات طويله ، ممارسه لعبه معينا يوميا بدون ملل ، اضطراب النوم ، النشاط الزايد ، نوع الاكل لا يتغير ، عدم اللعب مع الغير ، صعوبه في التعلم ، العنف ، ،،، الخ .*