خواتي اظن في حريم نفسي
تمللنا من الفنادق و السينما و السناتر 
حتى يوم نركب الموتر ما نعرف وين نسير احس نفسي سايرة كل مكان
قلت افتح موضوع يمكن الكل يستفيد بالأماكن الحلوة اللي ف الدولة
( غير الفنادق و السناتر و السينما
لانه صار روتين و الفندق يبغي له مبالغ مادية غير اللي ما تقدر تروح نتيجة عيالها )
( نبغي اماكن يديدة حلوة
مطاعم خيالية
اماكن تغير الروتين )
ابغي كل الحلوات يشاركون
( اسم المكان و شو طبيعته و الصورة )
و نبدأ بسم الله
في تايمز سكوير سنتر – شارع الشيخ زايد دبي
( مطعم من الثلج و فيه وجبات خفيفة و كوفي و مساحته صغيرة و سعر الدخول بسيط اتوقع بين ال 40 و 60 درهم )
منطقة البرااري – دبي
( شارع الامارات قبل القرية العالمية)
مكان حلوو للمشي و كلها ورود و خضرة
و فيها مطاعم منووووووووعة و حلاته للريوق او الغداء فقط عسب تشوفين جمال المنظر
الاسعار متوسطة
مسرحيات في دبي ( المدرسة الهندية)
بين فترة و الثانية نسمع عن مسرحيات طارق العلي ف دبي
يعني كنوع من التغييييير حلووو الواحد يسير
الاسعار بشكل عام من 150 درهم و طالع
https://www.thouq.com/2012/03/11286/
لمحبات الأزهار حديقة دبي ميركل جاردن
https://www.dubaimiraclegarden.com/
