تغيير الكلية , , !! تعليم الامارات

سلام عليكم ,
انا قبل منزله موضوع عشان تغيير الكلية في جامعة الامارات
والحمدلله قبلوني ف كلية القانون بس أبا اغير
واحينه فتحوا موقع نابو ,, بس في مشكله ولا انا ماعرف اقرا عربي ولا افهم يعني
يا الخلل مني انا او من الموقع ,,

مكتوب فالمربع الأحمر تغيير التخصصات
ولما اضغط عليه يظهر لي هذا

الحين شالموضوع مكتوب اول شي تغيير التخصصات شلون اغير بالله ,,
ولا تقولولي ادق عالجامعه ,, حاطين ارقام تلفونات عالفاضي , كله يحولون ويحولون ,,
وشوي وبيحولوني عالصين
تعاملهم مب شي ابدا , ,
لين متى هالشي مادري !!
,,
بنات جامعة الامارات وينكم , ولا حد عنده خلفيه عن الموضوع ,
شي يقهر وينرفز اذا هم ما يبونا ندق ونستفسر لا يحطون ارقام يعني ,
وينقعونا عالخط ترا هاه من رصيدنا مب ببلاش يعني ,

مابا المشاهدات يوصلن 54684765435 وماشي رد ,
تكفون حد يشور علي , ويشوفلي حل مع هالناس

اتوقع تختارين جامعة الامارات وبيطلعولج التخصصات

واصلا مب مهم بتروحين الجامعه اول سنه اوغرو
واذا عديتيه خذي المواد المشتركه بين الكليه اللي انقبلتي فيها والكليه اللي تبينها
بيفتحون باب التحويل بين الكليات فآخر الكورس
تقدرين تحولين من الموقع
اتمنى فهمتي

واي استفسار لا يردج الا لسانج

انا والله مااعرف ومالي خص بالموضوع بس حسب مافهمت انتي الحين تريدين تغيرين

يعني لازم في خيار اختيار المؤسسه بعدين التخصص على هذا المنوال

يعني جامعة الامارات يطلع تحتها خيارات

وهكذا انتي تختارين منها مفروض

بس مب فاهمه انا البرنامج كيف يشتغل عشان بس صور

انا عديت السيبا يعني فوق 180 عديت الفاونديشين
وقالولي الكورس الثاني نتخصص يعني ,
اذا ادق تلفون متعايزين الخلق ماتخيل اسير هناك واطلب منهم يغيرون
هيازه غير طبيعية ومن ضمن الاختيارات مافي جامعة الامارات عشان اغير
كاتبين تغيير تخصصات يحششون علي والله ,
مشكوره ماقصرتي , انا أبا اغير احينه عشان ماصدع راسي عقب وشاله هم الا اغير
فاضين احينه وما وراهم شغل خ يغيرون خ يردون عالتلفون بالاول
شي ينرفز ><

كيف ما قلت مافي اختيار المؤسسة جامعة الامارات
بس شي التقنية وجامعة زايد وبعد كلهم اربع اختيارات ومب من ضمنهم الامارات ,
المفروض يعني يخلوني مثلا اغير الكلية فالجامعة نفسها لان احينه فرصه ناس تحول
وناس تغير الجامعات وجي واكيد في ناس تبا تغير التخصص
بتصل وبشوف اخرته معاهم ,
امري لله ,,
مشكوره ماقصرتي الغاليه

اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ

عيل متفي حل انج تروحين للكليه نفسها وتغيرين او ممكن يكون كلام ملاك صح يوم تختارين الجامعه تغيرين التخصص