دكـــــاترة الجامعة المتميزين في جآامعه الامآرات

طالــــبات الجامعة الحبوبات **
كيف الحال,,,إن شاء الله بخير
انا حابـة أكتب هالموضوع ((وان شاء الله كلنا نسيفيد)) وهو اللي تعرف اســامي دكاترة طيبين ويعطون تقادير تخبرنا باسم الدكتور وشو يدرس ((اسم المساق )وبعض من صفاته **
والعكس صحيح يعني اذا فيه دكتـــــور ما يعطي تقادير ويخسف بالبنات تخبرونا باسمــه
((وخااااصة لمساقات الثقافة)) لانــــها طبعا عامة وكل البنات يمرون عليها
لانه الصراااحة في الجامعة فيه دكاترة يصعبونه وهي سهلة ((يعطون امتحانات صعبة ويعاملون البنات بتشدد))
وفيه دكاترة يسهلونها وهي صعبة ((يشرحون المساااق بســـهولة وامتحاناتهم سهلة وحلوة ))
واتمنى التفاعل منكن يا الغااليات **
عشان الكل يستــــــــفــــيد

موضوعج وايد حلوو ,, بس للأسف توني سنه ثانيه يعني ما مريت ع وايد دكاتره ><

اتمنى البنات يفيدونا

الله يوفجكم
خبرينا شو التخصص و اذا رياضيات انا حاضره او من قسم العلوم اناا حاضره

حتى أنا شراتج توني سنة ثانية
والا كان افتحته
وخبرتكم
اتمنى التفاعل من الكل
واللي تبا تسأل عن حد من الدكاترة تسأل
عسب الكل يستفيد

بنات وين التفاعل
فديتكن
كل وحدة تعرف دكتور زين

تحطه عشااااان نستفيد

بالنسبه لدكاتره التعليم ما اعرف لان كلهم يداااااد واللي درسوني ما اسمع لهم حس شكلهم اتشنقلوا من الجامعه واحسن لانهم كلهم مالت عليهم مب زينين

والثقافه انا خذيتها بالعربي .. انا دفعه 2024 اتخرجت الكورس اللي طاف.. فما درست اي ثقافه انجلش
بس الاستاذه الاوكي .. يحيى مال ثقافات معاصره .. وااايد اوووكي متساااهل وخذي امتياز وانتي مغمضه

وحسن النابوده مال ثقافه اسلاميه غشي وانتي مغمضه بس انا كنت اخاف لووووول
وامممممم وامممممم منو بعد ياربي نسيت .. المهم لاتاخذون مساق فرد ومجتمع وانسان وعلم لانهم صعبييييييين وايد

وبالنسبه لبنات كليتي علوم انسانيه .. المداخل .. عليكم في ماثيوو تراث وثقافه .. وهريس مال مهن وقراءة واستيعاب اظني .. والحليو شسمه ياربي انسيت .. يعطي بعد مداخل جان ذكرته بخبركم خخخ

والتخصص اتصال جماهيري

طبعا شيخهم كلهم احمد نووووري روعه خصوصا تصوير صحفي واتصال مرئي عسل يحببج بالدراسه وكل بنات القسم يحبوووونه

واخوه اقصى بعد زين بس مزاجي .. ويعطي البنت حقهاااا
وعزه يقولون زينه بس مادرستني.. وقيس .. ومي الخاجه شديده بس طيبه بعد .. حصه لوتاه ما تدري وين الله حاطنها بس تقردين وتقادير .. الله وحشوني دكاترتي والكلاسات لووووووووول

حي الله بنت قسمي =)
صدقتي في كل كلمه قلتيهااا ,,

وبزيد عليج .. د. احمد النجار وايد يمدحونه ودكتوره سعااد المرزوقي شيييييييييييخه وايد
اممممممم ولا انسسسسسسسسسسى استاذي وصديقي واكثر انسان احبه ف الجامعه (F)
د. سطآآم < هو عراقي وخذت عنده مجتمع ووسلوك انساني

,,

الحين دوري بسأل بنات العلوم الانسانيه منو تعرف الدكتور خالد !!سجلت عنده تفكير ناقد ووومترددده