حبيباتي أنا سجلت بنتي في أكاديمية المستقبل الخاصه في العين
المهم سوولهم امتحان تحديد مستوى والبنت ما يابت درجه زينه
فأنا خايفه على البنت …استغليت فترة الصيف بأني اراجعلها وادرسها حبتين باسلوب لعب وجيه بدون ضغط
والحمد لله تتجاوب معاي لاول مره في حياتها
بس أبا أعرف شو الاشياء اللي لازم تتعلمها خصوصا للمنهج الامريكي صف الاول
هل المنهج الامريكي في كل المدارس نفس الشي ؟ وهل أقدر أوفر الكتب من أي مكان قبل ما تبدأ الدراسه؟
واذا مافي مجال …. خبروني بشكل عام شو يدرسوهم خصوصا ال math و الانجليزي وبدعيلكن من قلب اللي تفيدني…
ربي يوفقكم ويسهل على عيالكم
انا بنت في المستقبل الحين بسير ثاني
يعطونهم في انجليزي كل اسبوع يعطونهم 10 كلمات بثلاث احرف وفي نهايه الاسبوع اي يوم الخميس يملونهم الكلمات .
ويعطونهم قواعد مثل اول الكلمه الحرف شو كبتر او اسمول .
والجمع شو ياخذ والمفرد شو ياخذ
ويعلمونهم القراءه وطريقه تهجئه الكلمه
أم الرياضيات :- يعطونهم جمع عددين مثل 2+1= 3
ومثل :- 2,3,4, ____
شو اكبر 10 او 11
ويعطونهم الطرح عددين 3-2=1
شو اصغر 4 أو 5
ويعطونهم اعداد الفرديه والزوجيه
في البدايه تواجهين بعض العوبه وبعدين بتلاقين هوله في المنهج
لانهم واييييييييييييييييد يفهمون الطالب
انا عيال من الروضه عندهم
والحمدلله في الانجليزي يعرفون يقرون والحمدلله
ربي إني لما أنزلت إلي من خير فقير
1 لازم تكون تعرف الحروف قراه وكتابه العربي مع المدود ومع التشكيل
2 الانجليزي تعرف تقراء كلمات من 3 حروف
3 الماث الارقام من 1 الى 100
وتكون تعرف شو يعني نجمع اعداد بسيطه مثل ما قالولج الخوات
وتعاملي معاها بهدو وبعده في وقت عندج نصف ساعه كل يوم بتكفيح معاها
ولا تعطينها كذا شي في وقت واحد شو شو عليها من تتاكدين انها فهمت عطيها شي جديد
ربي يوفق عيالكن ويسهل عليهم
وجمعه مباركه ع اليميع