Help me عندج بيت وماتروحيله إلا بالويكند منو مثل مشكلتي ؟؟ اشغال سهلة

الله يعينج أختي تقريبا حلتجنفس حالتي بس انا اروح بيتي بعد ثلاث أشهر يكون مسافر ويرجع ثلاث اسابيع واكون عند اهلي وقبل مايرجع اروح انا وشغالتي انظف البيت قبل اسبوع بس ما ابات في البيت إلا إذاكان بيرجع الفجر أو بالليل متأخر وما أنام لين مايوصل كل هذا من الخوف

انتي عندج شغالة وتخافين عيل انا بروحي شو بسوي

ريلي قال إذا يبت لج خدامه تمي بالبيت قلت له مستحيل واصلا انا رافضه فكرتها وين احطها وغير هذا ابى اخذ راحتي

وينكم

والله ما عندي حل لج
انا نفس حالتج
بس عندي شغاله

سبحان الله إنتي مثلي بالضبط….

ألحين متزوجة سنتين وريلي من بداية زواجنا يحاول ييب لي بشكارة وأنا رافضة الفكرة دام ان ما عندي عيال للحين ادعوا لي ربي يرزقني فالقريب العاجل ..

بداية زواجي كنت اخاف شوية لكن ألحين خلاص لو أسمع أصوات وحركات اطنش خخخخخخخخ

شوفي يا حبيبتي صاحبة الموضوع قوي قلبي وتوكلي على الله والحمدلله عندج نونو ونيس لج فاالبت والثاني جاي بالدرب ما شاء الله ربي يحفظهم لج…

وإذا ما عندج بشكارة يبي لج … منها بتساعدج فالبيت ومنها بتساعدج فعيالج وأمورج بتترتب إن شاء الله لأني ما شوفها حلوة بعد حبيبتي فديت روحج كل يوم والثاني بيت هلج ويا عيالج لو هم ما عندهم مانع ترى فالمستقبل حشرة اليهال لابد وبتضايقهم وجنة الحرمة بيتها أفا عليج بس

ربي يحفظج…

ما اعرف حمستيني شوي

بس اهلي اصلا هم ما يخلوني اقعد بعد بروحي بالبيت ومن صوب ريلي

إذا بالويكند بس يومين اروح عنهم يتصلون يبي ولدج يعني ما يمديهم يروح عنهم شوي وإذا شافوني بيت يدي او يدتي بالويكند خذوا عني الولد وراحوا

هم جذه لانه ما شاء الله نحنا عدنا يهال ومن قبل البيت حشره ما يحتاي …

وعن الخدامة ما اعرف بعدني ما افكر صراحة إن شاء الله بسوي كل شي روحي وإذا فيه شي استصعبه ايب خدامة اهلي تساعدني …

مشكورة الغلا على الرد

والله احس كل كلمة قلتيها كأني انا اللي انطق
بالضبط نفس مشكلتي انا ما اروح بيتي الا بالويكند لما ريلي يرد من الدوام وطول ايام الاسبوع انا بيت اهلي
بصراحة ما احس اني عرست رغم ان عندي بنت (ربي يحفظها)
وتخيلي ونحن رايحين البيت نشتري اكل جاهز وماي وعصاير على قد يومين وطبعا الغدا والعشا برا
مطبخي ما ادخله بالمرة ما احبه وما فيه شي غير ماي
والبشكارة اتيي بالويكند تنظف الحوش وبس والباقي كله علي حتى لما كنت حامل وعقب ما ربيت
والله دوووم اقول لريلي ما احس بالاستقرار ( من وين يبتها هالكلمة)
بس الفرج فالطريج لان اهلي بينتقلو لمدينة ثانية وغصبن علي لازم اقر فبيتي
سوري شكلي وايد سولفت
اسمحولي بس صدق لازم نحصل حل لهالسالفة