صبغ الأثاث .. خبيرآت الأثاث و الديكوريشن بليز هيلب .؟؟ صوره لتكوني انيقة

السسسسسسسسلام عليكم و رحمه الله و بركاته

مرحبا الغاليات .. شخباركم ..
شو مسوين ..

شو جديدكم

شو آخر اعمالكم

طيب .. بالنسبه لي انا جديده و فرش في عالم الديكوريشن

حابه اغير حجره خواتي + حجره ماماتي و باباتي ..

طبعااااااا على ذوقي .. و حابه انكم تسسسسسسسساعدوني ..

اول شي اباكم تسسسسسسسسسساعدوني فيه ..
الصبغ

شوفو .. الله يسلمكم اثاث خواتي لونه رمادي .. على بيج

و الحبيبات ما يبون يغيرون هالاثاث وايد عاجبهم لآنه كلاسيك
و دورنا دورنا دورنا ما حصلنا شراته ..
اهو تقريباً على الاطراف فيه تفاصيل اكثر ..

انا بس بحط لكم سامبل عنه ..

الله يسلمكم ابا اصبغ الاثاث بلون ابيض ,,

طبعا الاثاث خشب .. بس ما اعرف اي نوع ..

سؤالي الحين .. احس وايد هذربت هههههههههههههههههه

شقايل اصبغ هالاثاث ؟؟؟؟

هل بفرشاه و صبغ .. و لا في شي ثاني ..

انا دخلت يوتيوب .. و كتبت صبغ الاثاث و طلع لي اممممم جهاز رش .. احسه شرات جهاز التان ههههههههههههههههههههههههه painting gun

انزين لو هذا هو الحل ,, وين بحصله و على جم تقريباً .. ؟؟؟

و هل تنصحوني اصبغه انا بنفسي و لا اخلي عامل يجي و يصبغ =(

هليب .. بأنتظاركم خواتي ..
ادري منزله الموضوع متأخر ..
بس اليوم بسير آيكيآ عسب ادور لي اثاث ثاني .. ( في حاله ماقدرت اصبغ هالاثاث الموجود )

ثانكيوو جدا جدا

للــــــــــــــــــــرفع

الغاليه ما عندي فكره عن صبغ الاثاث بس أسألي النجار ممكن يفيدج . بالنسبه للحجره ممكن تحطين ورق

جدران يغير الحجره تغير كلي . لو طوفه وحده روعه ممكن تغيرين الستاير وتنسقين الحجره بالالوان

الفرايحيه لحجره البنات..

المشكله ما اعرف وين ابدأ هههههههههه
قلت اول خطوه بسويها اني اسألكم .. و عقب أبتدي الشغل ^_^

بالنسبة لورق الجدران .. هم يبون صبغ
لانه بيغيرون بين الفتره و الثانيه
يعني تقريباً كل سنه يصبغون .. لانه مختارين اثاث موحد و مكون من 3 الوان
و ورق الجدران بيكلف اذا بغيره كل سنه مره

الالوان اللي اخترتها لهم مكونه من الرمادي – الابيض – الاخضر العشبي

و اذا بنكسر الالوان .. بنضيف الاسود او الوردي الفااااااتح البيبي بنك

^_^
الف شكر يالغلا ..

للللللللللللرفع