لاحظت ماشي موضوع يديد عن النظره الشرعيه وعن تجاربنا بهالقسم مع انه حلو نتبادل فيه الخبرات + ويلطف من الاجواء
سواء صار نصيب ولا لاء يلا كل وحده تكتب عن تجاربها وكم مره استووت بحياتها النظره الشرعيه ^_^
اممممممممممممممممم
انا صارت لي نظرة شرعية مع 7 اشخاص
و اغلبهم يلست و تناقشت معاهم عن
السكن و باجي الامور الثانية
و كل واحد كان يعطي نبذه عن حياته سواء انا او الطرف الثاني
و دايما اركز ع شخصية الخاطب
كيف شخصيته و اسلوبه و كلامه هل شخصيته ضعيفة
احس اني اسوي بروجكت ،، اركز ع الاسلوب و الاخلاق
و كنت اكتب اسألتي في ورقة عسب اذكر الاسئلة اللي بسأله
طبعا ما ادخل الورقة خخخخخخخخخخخخ << ع قولة اخوي ما ادري مسوية بحث
معظمهم ما كانوا عندهم شخصية او شخصيتهم ضعيفة جدا
ومن النوع اللي نقدر نسميهم ولد امه
لين ما الله كتب لي رقم 7 من نصيبي بو عيالي
و سبحان الله كل شي مكتوب و مقدر
و في
التأني السلامة و في العجلة الندامة >>> هاي جملتي دايما ف الزواج و اقولها للعزابيات
الله يخليكم لبعض الغاليه ويديم مابينكم الموده و المحبه ^_^
المره الاولى قبل سنتين و ملجنا بس انفصلنا خلال فترة الملجه الحمدلله ع كل حال ^^
كانت نظره شرعيه عاديه وكل شي كان تمام كنت حاطه ميك اب طبيعي وبعباتي وشيلتي شكلي مرتب حلو يعني
بس طبعا مستحيييه كنت وماتكلمت وماشفته غير ثانيه مع هذا ارتحت وحسيت اني اعرفه من زمان
اما المره الثانيه كانت قريبه بكتب عنها عقب الغدى ان شاء الله
مادري ماتقبلت الموضوع و رفضت الريال قبل لا اشوفه وحسيت اني مالي رغبه
بس حصلت هجوم وصراخ علي في البيت ليش ارفضه وهو زين >< خل اشوفه عالاقل نظره شرعيه عقب من حقي اقرر
طبعا يوم النظره كنت حزينه وكلها صياح
وتميت ادعي ربي انه يرفضني
وكنت معصبه مالي خاطر احط شي بويهي بس لانه عيوني منتفخه من الصياح اضطريت بس احط جحال داخل عيني حتى انه الشفايف مقشره ماحطيت مرطب ههههه يعني بسرعه ابا اشوفه عشان ارفضه
طبعا لما دخل شوي يلس بعيد
جان امه يحليلها مسكت ايدي خلتني اقوم وايلس عداله بصراحه ماكنت مستوعبه ويلست بالغنفه القريبه *_*
قلت ليش استحي خلاص انا مريت بتجربه قبل وانقرصت يلا يا بنت الشوامخ رفعي راسج و خزيه عدل من حقج
جان اتم اخزه وهو مستحي منزل راسه يحليله
حسيت استوى العكس جان استحي على ويهي وانزل راسي ، تميت اخز ريوله ونعاله بس ههههه
هو طبعا نشف ريجه وهو يتكلم انا بس مستعمه وماشي فايده ماينطق الحجر هههههه مع انه قلت هالمره بستوي جريئه وبسأل بس ماقدرت
المهم سبحان الله عقب هالنظره شوي تقبلت الموضوع بس في خاطري اقول يارب يرفضني مالي خاطر اعرس حاليا
بس سبحان الله ارتاح و وافق
لين الحين ما استوى شي بس حبيت اكتب عن تجربتي
ويعني مب شرط انج تكونين باحلى حله عشان يرتاح لج سبحان الله حتى لو كنتي بأسوأ حالاتج اذا دشيتي قلبه خلاص
الحمدلله
وعسى الله يوفقج الغاليه