شحالكن يالغاليات عساكن بخير وسهاله
ماعرف من وين ابدى الموضوع ما كنت حابه بيوم ادش المدونة واكتب عن اي تاجره
فيوم قبل فترة كنت بقسم العروس وكان شي موضوع عن حف المناطق الحساسه والطرق
منهم من كتب انهم يستخدمون مخدر عسب يشيلون بالحلاوة ،وطرق غيرها وانا دشيت وسألت عن اسم المخدر
المهم يتني رساله خاصه عقب يومين من تاجره
تقولي انه عندها اسبريه يستخدم للتخدير
وكتبت ليطرق الاستخدام وقلت باخذه
وياليتني ما خذيته
والله انها نصيحه من اختكم
يوم ييت بجربه لأنه اول مره استخدم هالاشياء ،، سويته على ريلي من فوق الركبه
قلت اشوف التأثير قبل ما استخدمه فمكان ثاني
تدرون شو كانت النتيجه حرقتني ريلي وااايد واستوت بقعه حمرا
واليوم يوم نشيت محترقه وتعورني
انا مب مسامتحنها أبـــد الله ستر واستخدمته بريلي ما استخدمته مكان ثاني
انا هني بس حبيت انصح البنات لني مب حابه حد يستوي به اللي استوى لي
لاحد ياخذ اسبريه للتخدير
انا احذركم عن تجربه
والسموحه ع الاطاله
ودكاترة الجلديه في كل بنايه
الله يهديكم
مشكوره اختي عالتنبيه
المفروض ماناخذ هالاشيا من أي حد مب متخصص ..
انا عن نفسي وايد اخاف و مستحيل اجرب على عمري
الحمدلله .. الله ستر .. و انتبهو خواتي .. في ناس تره اهم شي عندهم الماديات .. ماشي ضمير