الحمد الله ملجت الاسبوع إللي طاف…^__^ وكان شعور حلو والحمد الله.. بس المشكله أنا ماعرف أسولف وريلي بااارد شوي يمكن لأنه يستحي مادري><… بس ما احس بحنان يوم يرمسني هل هذا الشي عادي؟ أحس عمري بصيح .gif "12 (1)")
… مع انه طيب وما يقصر فديته… بس يمكن ما يعرف يعبر ><
كيف أخليه يكون أحسن عن جيه؟
سؤال ثـــاني مهم وااايد بعد… يوم إيي يزورج عقب الملجه شو تسوون؟؟ عن شو تسولفون؟ شو من الاشياء إللي أقدر أسويها وأخليه يتخبل علي><؟.gif "12 (8)")
الله يخليكم فيدوني… أحسني بصيح من بروده وجفافه.gif "12 (15)")
… مع اني أدلعه وأسأل عنه دوم ><
اول شي مبروك فديتج .. عقبال العرس ..
انا مريت ب هالشي اول ما رمسني كنت واايد استحي واهو بعد يستحي واايد ..
ان شاء الله بتعود عليج مع مرور الايام وببتفاهموااا..
ثانيا انا يوم يزورني اكون قافطه للحين للعلم اني مالجه من 3 اشهر .
كنت اقعد وياي اخوي يسولف ويااه وانا اسولف مع اخوي واهو يدخل ويانا..
ويوم محد ويانا اقول له عطني فونك واكتب له محلو اليوم او اووه اووه كاااشخ او اي شي يدور في باله او اني اقعد اطالع فونه الصور وغيره بس لا تدخلين الاسمااء لانه فشله ..
وحاولي انج تتكلمون عن الملجه شو استوا واتموا تضحكون ع اعماركم كيف كنتوا خايفين من بعض ..
بس ها الي عندي فديتج ..
ربي يوفقج ويتمم عرسي وعرسج ع خير هههه
م:ت : عيون Aاحمد>> داخله بنك اختي ههه
ذكرتيني بربيعتي والله ريلها بيزورها أول مرة عقب كمن يووم ..اتقووولي شوو أسووولف وياه!؟
الصرااحه ماااعرف بس قلت الها لا خليه هو يبادر حتى لو مايرمس ..صح ولا شو رايكن!؟؟
أب
أب
وبعدين تو الناس اختي توج ماالجة …
هو يعتمد عليج وعليه ومتى بتتعودون على بعض ..
هذا شي طبيعي ..
انا خذت شهرين من الملجة لي مااتعودت عليه وكان بعده يقولي انتي مااتسولفين خخخخ
بتتعودون على بعض ماعليج ولا اتحاتين .. واذا عن السواالف .. روحها بتتطلع وربنا بيسهل عليكم ..
بس لاا اتفكرين واايد واتحاتين …
والسموحةة …