راح أدخل بالموضوع من دون لف ودوران.
الله يسلمكن روحنا أنا وبنت خالي وأمها وختها ندور فستان عروس لبنت خالي ، لأن عرسها جريب/
رحنا عند أم جاسم ، اتصلنا بالحرمة اللي ما سكه الشغل /مصرية/ وحليلها طيبة ، ولما وصلنا عندها ، استقبلتنا وحده هندية، المصرية ماكانت موجوده. ////// طبعا مثل ما تعرفون ان العروس لازم تجرب الفساتين اللي تعيبها عشان تختار اللي عيبها أكثر شي/// بنت خالي جربت الأو والثاني والثالث،، وبس الهندية قالت ممنوع تجربين أكثر.gif "12 (98)")
نحن انصدمنا /// يحليلها أم محمود خلت بنت خالي تجرب 6 ,,
اتخيلوا حتى قالت ممنوع التصوير، نحن مانبى نصور الفستان بدون سبب ، جي بنفصل مثله! نحن بغينا نصوره وهي لابستنه عشان لما ترد البيت تشوف شو اللي أحلى عليها عشان تقرر، """ أم محمود العكس هي روحها قالت صوروا""
المهم هذا كله كوم ونظرات الهندية لنا كوم ثاني.gif "12 (96)")
والله العظيم انها تتطالعنا بعين تبا تهاوشنا ، ليش تصورون ، ليش تدقون الباب// لأنها كانت تلبس بنت خالي وتقفل عليها الباب //
لا تلمسين الفستان// يعني يالملخص ///// ذلتنا الهندية/// تقول فساتينها
وآخر شي عقب ما عرفنا الأسعار ، وماخلت بنت خالي تجرب فستان رابع وااايد عيبها ، قالت بتروح تشوف عند ريم وهيام صفر عشان ما تستعيل،،
فشوي يلسنا في الصالة مالهم ، نتريا خالي يرد من المسيد ، والله العظيم انها واقفة تطالعنا بعين ، والله انه من كثر ما تطالعنا نشينا وطلعنا برع البيت، نتريا خالي،وهي استانست وقفلت الباب على طول،،
.gif "12 (68)")
والله يا بنات أن أم جاسم حرمه واااااااايد طيبة ، نحن كنا وايد نتعامل معاها بس ليش جي حاطه هندية شريه تبا تطفش الناس، يعني الوحده منا لا بغت تأجر من عندهم شي حتى لو عيبنا وياز لنا السعر ، والله ان الكلمة الطيبة والمعاملة الزينة تريح الوحده.
أتمنى أن أم جاسم تقرا هذا الموضوع لأني ما قدرت آخذ رقمها، ونقول لها// عشان هي تعرف شو الهندية سوت فينا..
والله يوفق الجميع
وان شاء الله ام جاسم تقر الموضوع
أم جاسم معروفة بأخلاقها وطيبتها ….. حرام وحدة مثل هاي تخرب عليها …