كل عروس تحب ان تتميز في اسلوب عرسها لانها ليلة العمر ويمكن ان تحقق فيها كل احلامها وكلنا
نلاحظ بحضورنا الاعراس اختلاف الاذواق واختلاف طلة العروس في كل حضور
ولذلك احببت ان تشاركوني في استفتاء لاجمل عرس ابهركم فيه كل شي من ناحية تقديم الحلويات او تنسيق الورود ..
وكل واحده تكتب تجربتها مع محلات تتميز في تقديم الحلويات والكيك واقتراحها لكل محل وافكارها
لتوزيعات العرس وهي من اهم ما يعجب الحضور فالتوزيع هداية العرس التذكارية اجمل ما يحمله
المعازيم عند عودتهم لبيوتهم بعد انتهاء العرس
فما هو اجمل توزيع تحتفظين به الي الان…
وفي اي محل تجدين توزيع مميز وحلويات راقية..
وما هو محلك المفضل للحلويات والشوكلاته..
اخواتي محتاجه لردود وتجارب منكم
اما عن الهدايا ..مادري بس افضل انها تكون شريط (محاضرة دينية او اناشيد ) او اذكار
اما عن الطريقة مادري يعتمد .. =)
و في بعد قصر الشكولاته مثل ما قالت اختي من اشوي…بعد توزيعاتهم حلوة.
و بس…هذيلة الي اعرفهم …لول
و مبروك مقدماً…
انا بخبرج عن حرمه لبنانية اسمها منى ،، عندها محل في مركز الهنا
اتسويلج كاكاو عجيب ،، طعمه روعة والوانه وايد غريبة ،، تخيلي كاكاو لونة فوشي او بنفسجي او فستقي او برتقالي !! والطعم يم يمي
حطوها الاسبوع اللي طاف في الاسرة العصرية ،،،
تنسيقها وايد روعة ،، اتنسقلج الكاكاو مع ورود طبيعية او صناعية
بس والله قمة في الترتيب
،،،،،،،،،،،،،
عندج فوالة ،، منزلين نوع يديد من الكاكاو ،، هو كوكيز وكيك صغير ،، شكلة وايد حلو وطعمة نفس الشي ،، طبعا لازم تطلبين قبلها بوقت علشان اي بس بالطلب لان تعرفين الكيك والكوكيز يختربون
بس اول مرة اسمع عن مركز الهنا وين بالضبط وحلوه فكرة التنسيق مع ورود طبيعية
وبالنسبة لفوالة انا جربت الانواع اللي عندهم وايد حلوه وعندهم توزيعات وافكار مميزة بس بعدي ما
جربت الكوكيز ..
واتريا عنوان مركز الهنا
تحياتي