من فترة وانا ايمـع افكار عبي . . للبنات اللي يدورن افكار . . و شي بنات ميزانيتهم ماتسمح
يفصلون عند بعض المصممات اللي اسعارهن فيها يور للعبي البسيطة . .
فحبيت افيد البنات ويايه . . وحاولت فتجميعي الأفكار اني ارضي جميع الاذواق
يعني شي عباة تعيبج بس مابتعيب غيرج والعكس . .
وياريت ماشوف ردود فيها فلسـفة لان معروفة عبي المناسبات لشوه والبسيطة لشوه . .
وكلن عقله فراسه يعرف خلاصه . .
×
×
نبدى بشرح كل موديل . .
1 – هالعباة فكرتها وايد حلوة وعملية . . للدوام وخفيفة ومريحة فنفس الوقت . . وهالفترة
نازلة موضة القطعة الاسترج للكم .. مكان الساعة لين قبل الكوع . . حلوة الحركة وانا عندي عباة
شراتها . .
2 – هالعباة حلوة للزيارات والمناسبات . . حركة الاكمام من فوق تعطي حجم فالعراض ماتوالمهن
يباله وحدة ضعيفة او عالاقل جتفها مب عريض . . والاكمام عادية او ترومين تسوينها فرنسية
بس لو كان الكم عادي يفضل يكون دانتيل فرنسي راقي ويكون عقياس ايدج ومنثور عليه كرستالات
بطريقة حلوة . . ولو الكم سويتيه فرنسي وسيع افضل الشغل يكون عالجتف . . يعني تطريز جي او كرستالات ناعمة . .
3 – اما هالعباة بصراحة مسكتة ههههه مب اي حد يحب يلبس هالاستايل . . بس وايد حلوة للاعراس
طبعا تكون على اطول مب جي . . وبدال الحزام تكون فراشة ومن داخل تضبطين الحزام ويكون عليه شغل ناعم . . والكم الثاني يكون عادي . . يعني كل كم حركة . . هالعباة يبالها شيفون . . وبتكون الحركة
احلى لو تبطنين الشيفون الاسود بقطعة مشيرة حرير . . بتكون حركتج غريبة وملفتة . . وطبعا حلاتها
تلبسينها فالاعراس والاعياد . .
4 – هالعباة ناعمة للدوام ومايبالها شرح . .
5 – اما هالعباة تنفع للحوامل وللبنوتات بعد يعني . . وحركة الجتف لو تكون بشغل لولو وكرستالات
وميش بتكون وايد راقية . . و حلوة للمناسبات . . والشغل اللي عالجتف نفسه عالاكمام . .
6 – هاي فكرتها جريبة للفكرة 2 . . بس يفضل تكون الاكمام دانتيل ومشغولة وحلوة للمناسبات و
الاجتماعات النسائية . .
7 – بسيطة وناعمة وتنفع للحوامل . .
8 – هالعباة ستايلها ياباني جي غريب . . طبعا تكون على اطول وحلو لو اطراف العبا تكون قطعة
حرير بأي لون تبينه .. وممكن حرير مشير . . راقية جدا" . وطبعا للاجتماعات النسائية
عفكــرة ترى الافكار ينفعن لجلابيات يعني 2 في 1
والحين اخليكن ويالصــور ^^
و مابغي منكن غير دعوة حلوة 
الله يوفقج
يعطيج العافيه حبيبتي
ان شاءالبنات يستفيدون