الغاليات انا عندي مشكلة غريبة ؟؟؟ و اللي هي العبي ؟؟
انا شهريا أفصل 4 عبي تقريبا ؟؟؟ و كل عباه شكلها مختلف ؟؟؟ صراحة من ادش محل لازم افصل فيه عباه ؟؟؟ و هالبطرة من قبل لا أشتغل ؟؟؟ و زادت بعد ما اشتغلت ؟؟؟ ريلي يقولي ؟؟؟؟ شو تبين فيهن هالكثر ؟؟؟ تارسات الكبت و لا تلبسينهن ؟؟؟؟؟؟؟
ما اعرف شو بلاني ؟؟؟ و الله انه ايدي تاكلني اذا ما فصلت عباه ؟؟؟ و اللي يقهر اني اكتشف انه عندي عبايا يتشابهن ؟؟ و انا مب حااسة ؟؟؟
الغاليات ؟؟ انا ما أشتري وايد جنط و نعول ( عزكم الله ) و ملابس او ذهب ؟؟؟؟ انا همي العبي و بس ؟؟؟؟
نفسيا تعبت من هالموضوع ؟؟؟
من اسبوعين كنت في بوظبي زيارة ؟؟؟ طلعت من بوظبي و مفصلة 3 عبي ؟؟؟ و بعدها سرت سوق العين ؟؟؟ و بالصدفة دشيت محل عبي ؟؟ و قمت فصلت عباه رابعة ؟؟؟؟؟؟؟؟؟ و الله قلبي يعورني ع صرفي الزايد للعبي ؟؟؟ باختصار فاتورة العبي الاربعة قيمتها في حدود ال 4 آلاف درهم ؟؟؟؟؟؟؟ و الله حرااااااام معظم ملابسي بالكبت عبارة عن عبي بأشكالها المختلفة ؟؟؟؟
قلت أحاول اني ما اشتري اني ما ادخل محلات العبي ؟؟؟ بس احس روحي مثل المسحورة ؟؟؟ اتخبل ع محلات العبي ؟؟؟؟؟؟؟؟؟
شو اسوي يا بناااااااااات ؟؟؟ بغيت المشورة ؟؟ و هل انا مريضة نفسيا ؟؟؟ او فيني ( خقة ع الكشخة ) ؟؟؟؟؟؟؟؟؟؟؟؟
سؤالي الاخير : هل في وحدة شراتي ؟؟؟؟ تعاني من اللي انا قاعدة اعانيه ؟؟؟ مع العلم انه اختي مب مدمنة عبي ؟؟؟ عندي خت مدمنة (( دخووون و عطووور )) ؟؟؟؟؟
نفس الهوس عندي بعد
انا نص غبيي لحد الحين ما لبستهن افصل و اعلق ….بس ما علية بتيي فرصة و بنلبسهن
شكلي بصور لكم عبي ؟؟؟ و بعرضها للبيع ^_^
ع فكرة قمت الحين اوزعهم ؟؟؟ وووككككككككك اقوللكم ( اني مينونة عبي )
بما انج كاتبه هذا الموضوع معناه انج حاسه ان تصرفج خطأ
وانت اكيد ما تحبين اتسوين شي خطأ
وهذي بعض الحلول اللي ممكن اتجربينها
انت فكري ان هذا اسراف
وان شي ناس مب لاقيه تلبس شي يسترها
حطي فبالج ان الله سبحانه وتعالى بيحاسبج على الاسراف
وابدي قللي شوي شوي يعني خلي في بالج انج ما اتسيرين السوق وايد
او
وكل ما فكرتي انج اتفصلين عباه ……. اتصدقي للفقرا بقيمتها
وشي حل ثاني
اذا ما قدرت تمسكين نفسج عن العبي
بعد ما تلبسينهم مرتين ثلاث بيعهن عن طريق المنتدى حتى لو بنص السعر
او
اطلبي من ريلج انه يمنعج انج اتفصلين اكثر من عباه في الشهر مثلا
و ادعي الله سبحانه وتعالي انه يخلصج من هالعاده
في رايي ان 4 عبايات في السنه معقوله مب في الشهر !!!!!!!!!
وآسفه اذا طولت عليج او اذا كان في كلامي شي ازعجج
عني أنا ماأفصل يمكن في السنة 3أو 4 مب بخل مني .. بس لأنه
عباياتي سادة والمطرزة للمناسبات فقط … والتطريز بالأسود بعد
وأحس عمري بعد مسرفة… وأنتي تعرفين انا محاسبين على كل شيء