من زمااان وانا افكر اعرض لكم صور من أدوات مكياجي واليوم الحمد لله تفيجت !! وبعرض لكم كل شي بالتفصيل . حاطة ارقام على الادوات عشان اقولكم عنها ومن أي ماركة: سمحولي التصوير شوي مب واضح من الموبايل .
الأساسيات
رقم 1 : بودرة مضغوطة من (ماكس فاكتور) واستعمالها وااايد حلو تعطي تغطية ناعمة ومخملية للوجه.. انا استخدم رقم 01
رقم 2 : كريم الأساس السائل من (مايبللين) بصراحه فن ويعطي تغطية فناانة للوجه وانا استخدمIVORY
رقم 3: كريم الأساس المعروف للتغطية من ديرماكول .. أخلطه مع كريم الاساس العادي واحط على ويهي وينفع للمناسبات وبالليل
رقم 4: كريم فيراند لفلي .. طبعا الكل بيقول ليش حطيته.. لانه فعلا فنااان واحطه من عقب ما انظف ويهي من التونيك وبعدين ابدأ احط كريم الأساس والبودرة
الكحل وتوابعه
رقم 1: كحل ملون لون بحري من (برستيج) وفيه لمعه شوي وحلو حق الصبح..رقمه EG-06 SEA
رقم 2: كحل ملون لون أزرق غامق من (برستيج(.. انا استخدمه على أطراف الجفن السفلي ويطلع واااااو ورقمه
E.71 RHAPSODY
رقم 3: كحل ملون لون أزرق فاتح من (ايتود) واستخدمه داخل العين ويكبرها .. ورقمه NO.02
رقم 4: كحل أسود فحمي من (برستيج) واستخدمه على الجفن العلوي كآيلانر او جحال داخل العيون واستخدامه وايد حلو لانه سايح ويرسم بسرعة والطرف الثاني فيه اسفنجه لتوزيع الجحال بشكل ضبابي.. رقمه UD.01
رقم 5: جليتر أزرق لماع على شكل ايلاينر من D.m.G.m واستعمله فوق خط اللاينر ويعطي لمعة وبريق رائع للعين.. رقمه 04
رقم 6: ماسكارا لتكثيف الرموش وتطويلها من (ريميل) بصراحه ماقدر استغني عنها لانه فيها بروشه مقوسه فنانة للرموش .. رقمه Ref.No.903
رقم 7: ايلاينر أسود سائل وريشته فنانه في الرسم من PALLADIO
أقلام التحديد الملونة
رقم 1: تحديد لونه لحمي وانا ما استغني عنه من CLASSIC .. رقمه 736
رقم 2: تحديد لونه أحمر ناصع مثير ويعطي شكل للشفايف من PALLADIO ..رقمه LL276
رقم 3: تحديد لونه فوشي من نيفيا.. رقمه 14
رقم 4: تحديد لونه وردي ناعم من نيفيا ويخليج بيبي ^_* .. رقمه 06
رقم 5: تحديد لونه عنابي طبيعي من نيفيا.. رقمه 08
رقم 6: تحديد لونه وردي كيوت من برستيج.. رقمه L.205 BABY
رقم 7 : تحديد لونه بني طبيعي من برستيج.. رقمه L.93 SPICE
رقم 8: تحديد لونه ماروني من Mayfair .. مقاوم للماء ،ثابت وفيه فيتامين مغذي ..رقمه 15
رقم 9: تحديد لونه برتقالي فاتح لماع من Diana of London ..رقمه 09-HOT STAR
رقم 10: تحديد لونه برتقالي طبيعي من ايليجانس (( تلقونه في الصيدلية)) ..رقمه 2044
الأرواج
ماشاء الله خااامه السوق ههههههه.. يلا نبدأ:
رقم 1: روج لونه برتقالي فاتح ((فاقع)) من ايليجانت (( هاي الماركة غير عن ايليجانس )) ..رقمه 33
رقم 2: روج لونه لحمي من ريميل بصراحه لونه يخبل ينفع للصبح .. رقمه 313 PARADISE
رقم 3: روج لونه وردي توتي من ريميل ..رقمه 293 MULBERRY SILK
رقم 4: روج لونه وردي حار من SANS SOUCIS ..رقمه 150 HOT PINK
رقم 5: روج أحمر فاتح جدا ينفع لكل الأوقات من نيفيا .. رقمه 72 Lovely Red
رقم 6: روج بيج على بني فاااتح على الزهر.. استعماله رووعة .. رقمه 02 Chai
رقم 7: روج أحمر مثير من Dior .. اشتريته يوم كان اعلانه على الممثله مونيكا بيلوتشي في المجلات.. بصراحه يعطي جمال ورونق وااايد حلو للشفايف يخليج شرات الدميه ^_* وفوق هذا مغذي.. رقمه 752
رقم 8: روج زهري على بطيخي فااااتح من استي لودر.. وهالروج ماقدر استغني عنه هاي المرة الثامنة اشتريه!!! حتى مبين في الصورة انه مخلص!!! حلو للصبح والحفلات اذا حاطه سموكي على عيونج.. رقمه 301 CRYSTAL BABY
رقم 9: روج لون الشاي على وردي .. مادري صراحه لونه غريب بس حلو واستخدمه بشكل دااائم لانه حلو عالشفايف وااااايد .. رقمه 117 ROSE TEA
رقم 10: روج لونه بني على نحاسي من بريليانت ليبس .. رقمه 0701/04 COPPER
رقم 11: روج لونه .زهري متوهج على بطيخي من مايبللين.. يخليج بيبي ^_* ..رقمه 110 ROSY GLOW
رقم 12: روج لونه وميض بنفسجي من ريميل.. رقمه 212 AMETHYST SHIMMER
رقم 13: روج لونه وردي غامق على بنفسجي من مكياجي..
رقم 14: روج لونه بيج ترابي فاتح من كلينك .. حلو اذا حاطه لون غامق على عيونج او جحال موزع.. رقمه او اسمه PERFECT BEIGE
رقم 15: روج لونه ذهبي لماااااع.. انا استخدمه كإضاءة فوق الروج الأساسي اللي حاطتنه عالشفايف من Diana of London .. رقمه 209
رقم 16: روج وردي فاقع من أركانسل.. رقمه 381 FLASH PINK
القلوسات
رقم 1: قلوس زهري فاتح بيبي من برستيج..
رقم 2: قلوس فوشي من نيفيا.. رقمه 92
رقم 3 : قلوس وردي غامق توتي من لورانزا.. رقمه 101
رقم 4: علبة أرواج بالفرشاة كانت يايتنني هدية من كلينك بصراحه الوانها حلوة وناااعمة
رقم 5: قلم روج ماروني من NYX .. رقمه 718
الايشدوهات
رقم 1: علبة ايشدو عجبتني الوانها واسمها G.I.V.E.N من برستيج.. كان وقتها عرض مادري اذا مستمر العرض لين الحين.
رقم 2 : علبتين ايشدو من ماك وانا مختارة الالوان داخلها واللي احبها وتكون مناسبة لي.. كلهم بلمعه ماعدا اللون البرتقالي
رقم 3: علبة ايشدو بالوان هادية وناعمه مثل ما تشوفون بالصورة من ايتود .. ومصنوعة في اماراتنا الحبيبة ^^
تابع الايشدوهات
رقم 1: اضاءة للحواجب باللون الابيض اللؤلؤي من توب قيرل.. رقمه 202
رقم 2: علبة ايشدو بلون بيج واصفر وعنابي من Diana of London .. الوانها حلوة حق الصبح
رقم 3: علبة ايشدو باللونين الرمادي الفاتح والبنفسجي من Diana of London
رقم 4: علبة ايشدو صغيرة فيها لون وردي بيبي من ايف سان لوران
رقم 5: علبة ايشدو صغيرة فيها لون سموكي بلمعة من بروجوس
البلاشارات
رقم 1 : بلاشر لونه وردي طبيعي من برستيج
رقم 2: بلاشر لونه وردي بيبي من Diana of London
رقم 3: بلاشر لونه أورانج طبيعي من برستيج
طلاء الأظافر
رقم 1 : لونين من فيشيال لونهم وردي بيبي وبني..
رقم 2: لون بنفسجي فضي بلمعة من فيشيال..
رقم 3: لون وردي غامق فيه لمعة من ميشا..
رقم 4: لون وردي فوشي وكان موضة الموسم اللي فات
رقم 5: لون أحمر فاتح جدا من فيشيال
رقم 6: ثلاث ألوان وهي من اليسار ( البطيخي والشفاف والبني العسلي ) من مكياجي
الفرشايات
رقم 1: الثلاث فرشايات الأولى من اليسار واللي هم الاسفنجه الخاصة للايشدو ومشط الحواجب و فرشاة الايشدو كلها من نيفيا..
رقم 2: بروشة الخدود من ذي بودي شوب
رقم 3 اسفنجات الايشدو واشتريتهم من العضوة زهرة اللافندر
وجي ختمت موضوعي.. ان شاء الله نال على اعجاابكم وصدق تعبت فيه لخااااطر عيونكم كل شي يهون .. واي استفسااار انا حاااضرة.
ملاحظة: انا ما رسمت الوان التحديد او الكحل او الروجات على ايدي لانها ما بتطلع الوانها مثل اللي في الطبيعة..
والحين اتريا ردودكم الراااائعة ^^
ماشاء الله عليج مكياجج حلوووو ومتنوع …
مشكورة الغاليه على المجهود الطيب ..
الله يوفقج الغاليه ..
إختج أم حارب ..
وعيبوني الارواج والشدوهات
^^
^^
الظاهر انج سبقتيني هههههههه ,,, حلو مكياجج حبوووبه وماقصرتي حطيتي بالارقام