موضوع جـديد،، ولأول مره يطرح،، وبالـصور،،
تنـظيف فراشـي المكياج!!
هذه الفـراشي قبل التنـظـيفـ
شكلهم مب نـظيـف أبدد،،
قفـازات ،، < حشا بتسوين عمليه إنتي،،
لا بس أحب النـظافه وايـد ،، وأحب أحافظ على نعـومـه إيديني
هنــا في المغـسل وصبينـا المـاي عليهم،، والحين تبدأ عمليه السبوح
منـظف مـاك،، وإكتشف الصراحـة إنه تعيس ،، يعني خرطــي ما ينـظف ولا شئ،،
صبيت منه شوي،، على الفراشـي،، وما كملت ،،
بعدهـا قلت ليش ما أحط شامبو أبرك من ها المنـظف التعيس ،، وأي شامبو ينفع،،
صدق صدق حسيت إن الفراشي يلمعن من النـظافـة بعد الشامبـو،،
وبعدهـا قلت يا حليل الفراشي تراهن مثل الشعر لازم نحط شوي كونديشنر،، يعني آخر دلع،،
خلصنـا عمليه السبوح
شفوا كيف يلقن!!
نشفتهم بالفـوطـه ،، عسب ما يبردوون ،، < حشااا عيالج ؟!
وآخر شئ نشفتهم بالسشوار
و هاي تمت النظافه للفراشي كلها
ان شاءالله عجبتكم الطريقه
حياكــــــــــــم الله
تسلمين عالطريقه الحلوه
وعندي سؤالي مع التكرار والغسل بالشامبو الفرش مايختربن ؟
والسؤال الثاني يختص في الشعر شو أفضل للشعر الكرستال ولا الكونديشن ؟
و الحمدالله الفراشي اوكي ما اختربن و لهن سنه و نص عندي الحين
بخصوص السؤال الثاني ما فهمته الغلا اي شعر قصدج
شعر الفرشاه و لا الراس لووول؟؟؟
يسلموووووووووووو
انا اغسل الفراشي بمنظف Makeup for ever
وايد ممتاز والله ..
تودنين فيه الفراشي ليلة والصبح تغسلينهم بماي اللولب وعقبها تشوفين اللمعة ..
وتقدرين انج تشوفين ترسبات المكياج في الكوب إلى ودنتي فيه ..
بس عيبه اذا لون الفراشي ابيض تتصير بنفسجية ..
ولا من ناحية النظافة عشرة على عشرة ..