كيفكون صبايا و حريم ؟ ^^
الصراحة انا كنت أعاني من مشكلة جفاف الشفايف و تقشرها و تشققها ×_×
و احيانا من كثر الجفاف تحرقني شفايفي و تتقطع و احسها ملتهبه و طبعاً يوم تتقشر العب فيها ماروم ايديه تاكلني لوول و يزيد الجفاف !!
ما خليت منتج للشفايف ما جربته من أرقى و اغلى الماركات العالمية بس ماشي فايده [ مرطبات / كريمات / فيتامينات / خلطات طبيعية ..الخ]
آخر شي بالصدفة كنت سايرة أسواق الإمارات في عيمان ويا يدوتي حليلها تبغي تشتري مواعين و جدور و هالسوالف << قلت قصة حياتي 
المهم شفت وحده اعرفها من زمان و خبرتني عن مرطب للشفايف من منتجات ليدي ديانا الطبيعية يبيعونه في أسواق الإمارات و قالتلي جربيه و ما بتندمين على ضمانتي ^__^
قلت يالله بجربه شو خسرانه ؟!
سعر المرطب 5 دراهم بس !! انا يوم شفت السعر ترددت الصراحة قلت ماظني بيفيدني يوم هذا سعره و يمكن ضار ولا شي >_<
آخر شي خذته لأني قريت على العلبة انها منتجات طبيعية صنع انجلترا England و جربته بعد فترة و الصراحة النتيجة خيااااااالية في نفس الوقت..
يرطب الشفايف و يغذيها و ينعمها و يوردها و يعطيها لمعة حلوة ^.^
لو تستمرين عليه يومياً قبل ما ترقدين بتستوي شفايفج رهيبة بس انا احياناً يوم مستعيلة ابغي اسير مكان و احس شفايفي وايد جافة احطه و اخليه ساعتين تقريباً و بعدين امسحه و احط الروج او القلوس و شفايفي تكون حلوة و موردة و ناعمة و مافيها اي اثر للجفاف .. و مكتوب على العلبة تقدرين تحطينه قبل الروج و تحطين الروج او القلوس فوقه بس انا ماحب
اسم المرطب ENRICHED FORMULA Lip Balm من منتجات ليدي ديانا Lady Diana Herbal Collection صنع انجلترا
كنت بصوره بس للأسف الكاميرا ضايعه مادري وينها و ما حصلت صورته في النت =(
اتمنى تستفيدون منه و اللي تجربه تدعيلي ^_^
انشالله بجربــــــــــــــه
انا بعد دوم اعاني من هالمشكلة
منورين الموضوع
كثــرة شرب الماااااااااااااااااي
هو الي مايخلي شفايفج تيبس اكثر شي مع استعمال المرطبات الطبيعية الي اتسبب اي حساسية ومافيها مواد معطرة ابداااا
شكرا لج