العنوان اظن انه واضح وكافي عشان تعرفون معاناتي
ما تم مكان ف ويهي ما فيه بقع بنية وكلف
والله اني تعبت نفسيا من هالمشكلة
ما خليت شي ما سويته لويهي وتعبت
الله يرضى عليكم منو عندها اسم كريم مجرب ونافع يشل البقع البنية والكلف من الويه
حاليا استخدم جل ريتين ا
الصراحه الكريم شي خيال
والله انه اقل من ثاني ليله او ثالث ليله تبين نتايجه
واقل من اسبوع الا وانت مصريه الكل بيلاحظ وبيسالج انتى شو مسويه بروحج
اقسم بالله انه يورد الخدود ويخفي كل عيوب الويه وينضف بعمق وكانج مسويه فيشل 10 مرات
الصراحه يشترونه عنها البنات السمر وااايد (فاهمه اي نوع اقصد)
والله انهم يصيرون بيض
حتى صديقتي خذت منه مره واستخدمته لتحت الابط والكوع والركبه
وتقول انه فادها وايد
حتى صاحبات الصالون بمنطقتنا يشترون عنها ومسمينه في الصالونات (ويه القمر)
تري لوما
سعره ب600 درهم ويقشر الويه
الصراحه ماشي مثله فادني وايد
عموما حبيبتى فيه اشياء طبيعيه ابرك طحنى المحلب مع شويه روب أو ماء ورد مع غسول الوجه بصابونة الكبريت اذا من بوظبي بتلاقينها في مرجان بلازا اللي مقابل سنماء الماسه وايد ممتازه ودوم غسلي ويهج بماء الورد يبض
وعندج بعد طحين الترمس اشتريه من الجمعيه وديه مطحنه خل يطحنه لج وسويه على شكل سكراب وايد يشيل الكلف والسواديمكن انتي والده قريب او من كثر تعرضج لشمس؟
عموما هو ينفع لكلا الحالتين واتمنى اكون افدتج
اختج اصايل
انج اتسوين تقشير وعندج انواع وايد منتشره في العيادات ومراكز التجميل منها ( التقشير الاخضر وانا سويته ، وعندج التقشير الكيمائي ..بعد جربته خخخخخ وعندج التقشير بأحماض الفواكه هذا سويته لظهري بعد اوكي )
انتي اختاري المركز والعياده الاوكي وتوكلي على الله
طبعا عقب التقشير بأسبوع تاخذين كريم تفتيح او خاص للبقع والكلف وتستخدميه لان البشره اتكون مهيأه انها تستقبل الكريم وخذيه باستشاره
وان شاء الله تستفيدين..