احسن مشد في فتره النفاس لصحة الجسم

حبيباتي
اعطوني احسن مشد في فتره النفاس ومن وين اشتريه

انا عندي مشد ماخذته من الصيدليه
وبعد ناويه اخذ من نعومي

انا قريت في الانستغرام من دكتورة ان الأحسن الوحدة ماتستخدم المشد ،، بس بعد اسبوعين من الولادة اتمارس الرياضة
والرياضة والرضاعة هايييل احسن من المشد .. وخواتي ماستخدموا مشد والحمدالله بطنهم داخل

أهم شي تلفين بطنج عشان يتم دافي وما يتيمع الهوا فيه …. مب لازم ترصين على عمرج…. يعني شيلة البيت أو أي قطعه اترومين تلفين فيها بطنج + مطارة الماي الحار+ المشروبات الساخنه واللي متعارف عليها وقت النفاس مثل الزنجبيل واليانسون والفلفل الأبيض أو الأسود والحبة الحمرا…. والبطن مال تسع شهور ما بيروح في فتره بسيطه إتريي 6 شهور وبتلاقين الفرق بس أهم التدفئة والقدمين بعد دفيهم ولا تمشين حافية أبدا….