ابرة الظهر فيدوني فيها .. لصحتك

السلام عليكم اشحالكم كلكم ؟؟؟
اتمنى تكونون بخير و صحة
معاكم اختكم (اميرة حياتي)
بغيتكم تفيدوني و تخبروني عن ابرة الظهر….
انا قريت عنها و عرفت اشياء كثيرة عنها :
و استخرت بالموضوع و قررت اني اخذها ..

بس بعد قلت ابغي أسأل رايكم فيها
اللي مجربتنها تخبرني عن تجربتها
و اللي مب مجربتنها وعندها اي معلومة عنها تخبرني
ابغي اجوف اغلب الآراء
و كل وحدة تخبرني اذا جربتها او لا …

علما بأن هذا حملي الاول و انا الحين دخلت شهري الاخير
و ما بقى شي على ولادتي
و ربي يسهل علي ان شاءالله و يسهل على الكل الحمل
و يربون بالسلامة يارب ..

و دمتم بحفظ المولى
اترياكم

انا رايي انها عاديه وماضرتني
بس انا جربتها بعد العمليه

الله يقومج بالسلامه ويسهل عليج اختي

وعليكم السلام ورحمة الله وبركاته
انا بسراحه سويتها يوم مات الجنين في بطني ويبون ايطلعونه وطبعن عشان التنظيف ولاني نزفت قالت الدكتوره مابتستحملي البنج كامل وسولي ابرت الظهربسراحه هي اتعور بس لو الوحده اتسويها للضروره فقط
اما لوا ولاده طبيعيه ليش هالابره
حسي بلي جربته امج واختج وعيشي الحياه الطبيعيه ههههههههه ما اقول الا الله ايسهل ولادتج وتقومي بسلامه
وبشيرينا عنج

مشكورين على ردودكم
بالنسبة لاختي 4o.clock
صح اني لو حسيت باللي حسته يدتي و امي راح احس فيهم اكثر
بس اظني لو بأيامهم كانت هالفرصة متوفرة و الابرة موجودة جان جربوها و ما حسوا بالألم ..
لكن الحين بايامنا الابرة السحرية موجودة اللي بتنهي الالم .
ليش ما استغل الفرصة !!
و مشكورة على رايج
في انتظار ارائكم و مناقشاتكم

السلام عليج اختي .. في موضوعين في قسم الحمل والولاده والعضوات كاتبين في وااايد تجارب عن ابرة الظهر قبل يوم انا راده فيهن

ربيعتي في قطر نصحتني فيها وخبرتني ما تعبت من الولاده بس سبحان الله ما ارتحت وقلت خليني على الي كتبه لنا ربي العالمين

ما ارتاح بصراحة لهاالاشياء

ربي يسهل امرك وان شاء الله المجربات يفيدوك