في اي مستشفى تنصحوني اربي في بوظبي؟؟؟؟ غير الكورنيش للصحة

بصراااااااااااااااحة وخبرة صديقاتي
كل المستشفيات الخاصة مايصبرون على الوحدة لين ماتربي
ويفضلون انج تسوين قيصرية لأنهم ماديين لأبعد الحدود
القيصرية اغلى من الطبيعي
وعلى قولتج: الكورنيش مواعيدهم زفت بس صدقيني الخبرة عندهم اكثر من المستشفيات الخاصة
حطي في بالج: كم حالة تي عند المستشفيات الخاصة وكم حالة عند الكورنيش ؟؟؟يعني منو الي عنده الخبرة اذا صار شي؟؟؟ وعلى فكرة ترى المستشفيات الخاصة يطرشونج عالكورنيش اذا حالتج كانت صعبة ويخلون مسؤوليتهم من صوبج
حتى قيصرياتهم مب لين هناك
وحدة من ربيعاتي ريولها ماقدرت تحركها لمدة شهر
والثانية مسدحة عالشبرية اسبوع لا قدرت تتحرك
انا لو شو مايقولولي عن الكورنيش…بس بعدني بربي هناك ولا اروح عند ناس يحطوني مثل فار تجارب عندهم واذا لا سمح الله صار شي والا شي..يطرشوني عالكورنيش

ليش حبيبتي حتى الكورنيش ياما سمعنا بلاوي عنها واكثر حالات وفات الاجنه في الشهر التاسع هم اللي يتسببونها لانه ياما خلو حريم حالتهم في خطر ومايولدونهن وكم نسمع انه الجنين مايوصله اوكسجين فالراس لانهم ابطو ماولدو الحرمه والله وااااايد بلاوي سمعت عنها من الكورنيش ماقد سمعت به في مستشفى ثانيه ….وشكلي بعد هالحش في هالمستشفى بتقنعوني اني اربي فيها ههههه وبعدين عن الحجز والغرف وااايد نتبهدل والصراحه الوحده يوم تربي ماودها اتكون في غرفه مشتركه مع حد وكله يقولون ماشي حجز انزين لو بسوي حجز بدفع هم هب خسرانين شي بس ساعات يقولون ماشي حجز ويكون فيه بس مادري ليش يقولون جذيه والله انهم لوعت جبد الصراحه

للرفع

لاحول ولا قوة اللا بالله

بالنسبة للغرف الصراحة انا في كل مرة كنت اييب ابوي واخوي والكل ويكلمونهم وبضرابة بعد … اما الولادات انا اشوفهم احسن عن غيرهم لانهم مستشفى متكامل وفيه كل شي مو مثل الخاص .. وبعدين انتي اذا اخترتي الفريق الزين وطلبتي تشوفين الاستشارية لا تخافين وكل تيسير من رب العالمين

مستشفى النور اليديد عن دكتوره حليمه
بس بالنهايه الحكومي افضل لانه الخاص مايتحملون اي مسؤليه ودوم يفضلون العمليه عن الطبيعي