ليش ما عندكم اهتمام بنفسكم وقت النفاس او الدورة !!؟ لسلامتك

السلام عليكم

ملاحظة::: هذه التجارب لبعد الحمل ممنوع الحامل تشرب اعشاب او اي شيء يمكن يضر الجنين اللهم بلغت اللهم فاشهد..

بنات هذا الموضوع بطرحه لتبادل الخبرات (لوقت النفاس )

ابد ما اشوف وحدة منكم منزلة موضوع كيف تهتم بنفسها وقت النفاس او الدورة ..

شو المحظور بالنفاس وشو المطلوب لازم نكون على علم،،

امس نزلت موضوع وابد ولا اشوف فيه تفاعل من العضوات حسيتكم ما عندكن خلفية عن كيفية الاهتمام بالجسم والنظافة بهذا الوقت

بنات انا اعاني تعرفون يعني شو اعاني بسبب اهمالي لنفسي بوقت النفاس والدورة اكل اي شيء ايلس بالبرد ولا اهتم بنفسي والحين ابحث عن علاج … والحمدلله حصلت الاعشاب المطلوبة وببدأ وقت الدورة بالنظام …

طبعا سرت الدكتورة وما نفعتني ابد

امس نزلت موضوع الخمس فناجين وبمشي عليه ثلاث دورات يعني ثلاث اشهر …

مع ترك الممنوع من الاكل والاهتمام بتدفئة الجسم..

امس راسلت خبيرة بهذا الشيء قالت كل وحدة ما تهتم بنفسها مع مرور الايام زوجها بينفر منها (بسبب الموية الاصوات والرائحة)

تقول لازم الحرمة تهتم بنفسها وتشتري الاعشاب المهمة وتحفظها بالثلاجة وكل دورة تشرب منها وتهتم بنفسها …

انا الحين ابغي تجاربكم عشان الحوامل والي بعد كم يوم عندها نفاس او الحرمة الي عندها مشاكل تستغل وقت الدورة

وتعمل نظام وتجهز نفسها …وتشتري الاعشاب المطلوبة لوقت النفاس…

وان شاء الله انزل لكم تجارب بعض الحريم بالنفاس وكيف المحافظة على النظافة والاكل وغيرها

انتظركم^^

فيدوني بليييييييز انا حامل حاليا .. و هذا اول حمل لي ..
شو اسوي ؟؟ و لا كيف اتصرف ؟؟
انا اعرف ان هالفترة مهمة وااااااااااااااااايد …
بس شووو الاشياء اللي لازم اسويها عشان
اتفادى المشاكل ..

ام غانم وقت الحمل ما تستخدمين شيء ابد

خوف من الضرر للجنين

وقت النفاس فرصتج للأهتمام بنفسج..ننتظر تجارب الحريم

انا بعد هذا اول حمل لي يالله خلنا نشوف تجارب باقي البنات ^_*

فترة النفاس وااااايد مهمه وفترة الدورة لاتقل عنها أهميه وللأسف الحاصل هو أن الحريم تركض وراء الجمال والمكياج وناسيه أهم شي يسعد الزوج

بالنسبه للنفاس تكمن العنايه فيه بالتدفئه وعدم الإستحمام المفرط علشان ما يدخل الهوااا بالرحم وشرب الأعشاب لي تنظف البطن من الأوساخ وتخرج الهواا لي يدخل من عمليةالولادة ولازم تداومن على الغسول وهو الماي والملح وتجففن المنظقة زين لازم تشربن كل شي دافي البارد ممنوع وعندنا نحن الحريروه والجرفه والزنجبيل وفي بعد تحاميل الملح والعسل أخر 20 يوم والكبو أخر 10 أيام ولهوم الصبح على الريق ولازم ما تكونين يوعانه أهم شي فما بيكون شي ريجيم هالفتره ضيفن الماش والفلفل الأسود بالأكل وأكثر شي كلن المرقوقه

والله يسهل عليكن تجنبن العطر بعد تراه هب زين

ما أدري قصدج نظام غذائي و صحي أو النظام الجمالي والنظافه ؟؟؟

اذا على النظافه فهاي أعتقد متوفره عند كل حد ..

اذا على النظام الغذائي …فهالشي يباله اهتمام بالفعل ..
أهم شي الوحده تبتعد عن كل شي بارد سواء ماي بارد أو عصير بارد أو آيسكريم ..
وتكثر من الفواكه و الأشياء الحاره بالمقابل .. و الحبه الحمرا أحبها أنا بصراحه وما أتخلى عنها منها تدفي ومنها تنظف ..
و قت النفاس الوحده طبعا لازم تهتم أكثر بأكلها علشانها وعلشان البيبي و أهم شي تربط بطنها و تحط مطاره حاره على بطنها كثر ما تقدر و نحن عندنا نحط حصايه حاره وفي ناس يحطون رمل حار ..
و النفاس تقعد في ماي وملح منها تعقيم ومنها علشان يلتئم الجرح لو في خياطه ..

و اذا على الخلطات بصراحه أنا بعيده كليا عنها ولا أفضلها .. في كريمات مفيده في الصيدليه أعتقد الوحده تعتمد عليها أحسن مثل كريمات أحماض الفواكه و غيرها .. و أهم شي انه الوحده دايما تدهن بطنها بكريم أو زيت عسب ما تظهر الخطوط ..

و سلامتكم ☺

موضوعج حلووو ،، وفيه ردوود وايد للببنات ومواضيع بعد عن انفاس