شحالكن بنات؟ عساكن الا بخير
بدخل فالموضوع على طول
عندنا وحده من الاهل حامل (هاذا أول حمل)
هي فالشهور الأخيره..المشكله ان بطنها كبير
ماتعرف تنام..تختنق فقامت ترقد وهي يالسة بس هالشي يسببلها الام فالظهر والرقبه
في طريقه عندكم ياللي مجربات عشان ترقد بدون ماتختنق وما تسببلها الام الظهر والرقبة؟؟
والمشكلة الثانية انها وااااااايد تتعب فالصلاة ..كيف تصلي؟؟
يعني وهي يالسة ولا كيف
وكيف تصلي وهي يالسة مانعرف كيف تكون الصلاة للي يالس؟
وهي بعد تتشكى من اتفاخ القدمين وتحس بالم خفيف فالقدمين ..هاذا طبيعي ولا؟
ياريت تردون وتحطونها حل
ل
انزين والصلاة كيف؟؟
وانتفاخ القدمين بعد؟
و في اللي يحطون وايد مخدات ورا ظهرهم يعني تكون شبه جالسة بس النوم على الجنب أريح
الصلاة تحاول تصليها عادي أسهل لها من الكرسي و بعد ترا حركات الصلاة واايد مفيدة للحامل
انتفاخ القدمين شيء طبيعي في الشهر الأخير من الحمل لتجمع الماي و إن شاء الله بيروح عقب الولادة
بس خلها تتحرك و تمشي قد ما تقدر و تقلل من الموالح
الله يسهل عليها و يقر عينها بالمولود بإذن الله
خليها اتحط مخده بين ريولها واتنام على جنب واتحط مخده تحت راسها وظهرها واايد مريحة هالوضعية وان شاءالله اتفيدها..
اما بالنسبة للانتفاخ الريول خليها ترفع ريلها.. يعني تتساند على شيء وترفع ريلها ع الايدار.. ما ادري اذا وصلت الفكره؟؟ هالوضعية اتريح بعد والله يسهل عليها وع الجميع