*&* تفـــاصيــــل ولادتــــــي بالصـــــــــور*&* لسلامتك

السلام عليكم حبايبي
حبيت أقولكم عن ولادتي واحط بعض الصور عنها
بما انه كان اول حمل لي
ربيت يوم الأحد 1752017
وهذي التفاصيل:
يوم الخميس كان عندي موعد مع دكتورتي (أميرة في مستشفى الزهراء)
وقالت لي انه الرحم مفتوح 2 سم، قالت لي سيري البيت واذا نزل عليج دم لا تييني لكن لو نزل ماي تعالي او لو حسيتي بعوار قوي …واذا ما صار شي تعالي يوم الاحد
قالت لي خلاص البيبي ح يشرف ..
عاااااد انا زغت
وطول الطريج وانا افكر اوووووووويه خلاص بربي
اووووويه الفكرة بروحها تزيغ
كنت دوم اقول لريلي ما اتخيل اني أربي؟!!! كان يقول لي ليش مب حرمة!!!
هههههه المهم
الجمعة سرت البحر ومشيت ف الرمل عسب تتسهل لي الولادة
وعقب رديت البيت وتميت اجهز اغراض المستشفى
ويوم الاحد الصبح سرت
وكشفت علي الدكتورة وطلع الرحم مفتوح 4 سم
وقالت لي دنتي ولادة خلاص
وحولتني على الغرفة وعلى ما بدلت وجهزوني للولادة
نزلت لغرفة الولادة الساعة 11 الظهر
تميت متمددة هناك واصييييح من العوار
وامي تقولي حطي الاكسجين وانا افره
ريحته خايسة
امي تقولي خلاص لا تصيحيين
وانا اصيح اكثر
لين عقب رقدت ( يعني مدوخة) وما اذكر الا اني اشوف شوي ريلي وشوي امي وشوي عمتي ام ريلي
لين عقب وعيت على صوت الدكتورة وهي تحرك ايدها على بطني وتقولي بشو حاسة
وانا بديت اصرخ
قالت لي ها طلق خلاص
وانا اهز راسي واصلا ما اعرف هذا طلق ولا شو
هههههه
المهم
ربيت بالسلامة
وكانت الساعة 2 ونص الظهر
الحمدلله كانت ولالادتي متيسرة وما تعبت فيها مثل ما كانوا يقولون ان البكر يتعب حييل

وهذي بعض التجهيزات
بسم الله ماشاءالله
كنت حامل بولد وتمينا نفكر انا وريلي شقايل نزيين الباب
حبينا نسوي شي بسيط ولكن في نفس الوقت يلفت يعني غير عن المعتاد
فتوصلنا لهالفكرة

علقنا كندورة وفوقها هالدعاء
اللهــم ان فـــي المهــــد صبيــــا
الهــــم فأنبتــه نبــاتــا حسنــأ واجعلـــه عبدا تقيــــا
وبـــــارا بوالديــــه واجعلـــه ربـــي رضيـــا
واجعلـــه مباركـــا أينمـــا كـــان واجعــل لــه فالحيــــاة شــأنــا عليــا
آميـــــــــــــــــــــــــــــن

طبعا الكل عيبته الفكرة حتى الممرضات اللي يدشون كان يقولون لي اول مرة نشوف جي
وايد حلوة الفكره
وسويينا بالونه كبيرة طايحة منها بلونات واجراس وجملة Baby Boy
لكن ما قدرنا نحطها بينب الباب لأن السقف واطي والبالونه مرتفعة

بالنسبة للتوزيعات
ريلي فديته سافر الصين قبل ما اربي وياب لي ميداليات لشخصيات ديزني وحلويات صينية اشكالهم روعه بس للأسف ما صورتهم
بالاضافة لأكياس التوزيعات
وانا تميت أرتبهم
وهذي النتيجة

تــــابع

وهالاوراق كتبتها وطبعتها ودبستها على الأكياس

وهالورد من عمي خليناه عند الباب

وهذا من الوالد بعد كان عند الباب

وطبعا الغرفة داخل امتلت حلويات وهدايا وانا على بالي ريلي صور كل شي
لكنه نسى

وانا ما صورت الا هالباقة من ربيعتي الغالية

وفي النهاية أتمنى تدعون لي الله يخلي لي ريلي ويحفظ لي ولدي