حبيت اسالكم عن العمليه التنظيف لانه كانت حامل وكان ميت الياهل كيف العمليه لسلامتك

السلام عليكم
اشحالكم

حبيت اسالكم عن عمليه التنظيف لاني باجر راح اسوي عمليه مثل ما كنتوا تعرفون اني كنت حامل والياهل كان ميت عندي فحبيت اسالكم عن العمليه يعور ولا شو تحس الحرمه بعد العمليه يعور ولا كيف

شو الاعراض بعدين يصير الحرمه تنجب اطفال غير ولا

مشكورين

انا جربت عملية التنظيف بس مب لاني سقطت لا
انا سويت العملية لان جدار الرحم كان عندي سميك واااايد بسبه تجمع الدم والدكتورة قالت لي اسوي عملية التنظيف لانه هو احد الاسباب اللي ما كانت تخليني احمل

بس انا ما حسيت بألم الا شوي وقت ما نشيت من البنج وكان مغص خفيف نفس الم الدورة بس اخف بعد وبعدين راح الالم

لا تحاتين حبوبه ان شاء الله ما بتحسين بألم

والله انا من كم يوم مسويه هالعملية لاني كنت حامل بكيس بدون جنين بس فالبداية عطوني تحاميل طلق فلما نزل الكيس بقى شوي من اجزاء المشيمة واحتجت عملية التنظيف وطبعا ما حسيت بشي لاني كنت مبنجه وبعد العملية قمت عادي بس كنت دايخه شوي من البنج رغم انه كان بنج خفيف ، والحين اعاني من صداع لما اقوم من جلستي واحيانا مغص خفيف….

ما تحسين بشيء لانه تكونين تحت البنج..

بعد عمليه الالم نفس الدوره عاديه

ربي عوضج بالخير

انا الغاليه سويت العملية سنة 2024
في حملي الاولي كنت في الثالث والحمدلله عقب التنظيف بــ6 شهور حملت
كان الجنين في بطني متوقف نموه وقلبه ما كان ينبض والحمدلله على كل حال
سويت عملية التنظيف في الزهراء وما حسيت باي شي ولا حتى عقب ما طلعت من البنج
بس عقبالعمليه بيوم تحسين بألم الدورة يعني جنه فيج الدورة بس
ويمكن انا ما حسيت بالألم لاني كنت زعلانه وحزينه وأصيح وبس
والله يقومج بالسلامه فديتج

للرفع

الله يوعضج خير

ويرزقج الذريه الصااالحه

ولا جنج مسويه شي بس تعب البنج