بناااااات انا صارلي من عقب العيد حالتي حالة… دوم بطني يعورني ولووووووعه فظيعه والله احيانا من اللوعه ماروم انش من مكاني..
ولا اروم اكل ولاااشي، واموووت من اليوع بس ماروم اكل
سرت المفرق وسويت تحاليل وطلع الحمدلله المعده سليمه وماشي جرثومه (قبل كم سنه كان عندي جرثومه بس تعالجت منها)… عطوني ادوية حق اللوعه بس كأني اشرب ماي مووول ماشي فايده
سرت خليفة الطواري عطوني ابرة عن اللوعه ما استفدت منها ابدا ولا من ادويتهم وقالوا بيحولوني الباطنيه وللحينه محد دقلي
سرت مركز الحرمين للعسل والاعشاب وقالي الشيخ وقفي ادوية المستشفيات وعطاني عسل اخذه مرتين باليوم
الحمدلله احس بتحسن بس لازم كل يوم اتيني لوعه ولا ان يصيبني امساك او اسهال.. واتعب والله
الحينه بديت اراجع في النور وتوني مسوية تحاليل…
بتقولون شو ها انتي من مستشفى لعيادة … بس المشكلة المستشفيات محد يعطيني حل والله اخذ ادويتهم على الفاااااضي
ماعرف وين اروح وشو اسوي
ترى انا فيني قولون واظني هي نفسها تقرحات الامعاء بس هالفترة وااايد تعبانه، حتى والله احس بكتمة على صدري ومثل شي ينتفخ في بلاعيمي… اشياء واحاسيس غريبة بجسمي.. وغير الاسهال والبطن… وترى انا ضعيفة اصلا والحينه من هالحالة وزني قاعد ينزل والله وين ما اسير ينصدمون من وزني… تعبت والله
امي سوتلي يعده (جعده) اعشاب وقالت زينه حق المعده… وعطتني قشوور الرماان عسب اشربها مع ماي بس وااايد مره… وعمتي ويدة ريلي مسحوني لأن يمكن جبدي طايحة بس ماشي فايده…
وعلى فكرة اذا رجعت واايد اتعب عقبها واتم كم يوم متلوعه وما اكل…
الحينه افكر اسوي حجامه… ماعرف شو اسوي بعمري… المشكلة عندي بنتي سنه ونص وانا يوم اتعب ماروم اشلها واهتم فيها فديتها وهالشي يذبحني..
عطوني حل، علاج، دكتور، اعشاب اي شي… لأن والله اللوعه اللي تييني مش طبيعية يعني تخيلوا اطيح من اللوعه وبطني… نفسيتي تعبت
اللي تدخل ياليت تدعليي بالشفاء… الله يحفظكم
والله يشفيج ويعافيج ياارب
ما عندي لج حل ولا دواء
انا كنت نفس حالتج وتميت سنه كامله وانا من مستشفى لي مستشفى
وفي من المستشفيات قولولي جرثومه وخرابيط
وخذيت ادويه واعشاب لين ما لاعت جبدي ازياده
واخر شي يوم شفت ماشي فايده وانا سليمه الحمدلله
راجعت دكتور نفسي ……هيه نفسي اتخيلي مافيها شي
عطاني ادويه والحمدلله رب العالمين اتاري كان في معدتي قلق وتوتر بدون سبب ويسبب في تهيج المعده وترجيع ولوعه
وهذي السالفه الحين من 7 اسنين والحمدلله ولا ردت
الحمدلله الحمدلله
واذا تامرين على شي انا حاضره راسليني ع الخاص لاني ممكن ما ارد للموضوع
والله يشفيج ان شاء الله